अभिनेता देवदत्त नागे सध्या 'डॉक्टर डॉन' या मालिकेतून छोट्या पडद्यावर दिसतोय. 'डॉक्टर डॉन'च चित्रीकरण मीरारोडहून आता कर्जतच्या एका रिसॉर्टमध्ये होतंय.
देवदत्त किती फिटनेसप्रेमी आहे हे सगळ्यांनाच माहिती आहे. त्यामुळे सेटवर जेव्हा त्याचा शॉट नसतो, तेव्हा हा पठ्ठ्या सेटवरजवळच्या हिरवळीवर जाऊन वर्कआऊट करत असतो.
कर्जतसारख्या निसर्गरम्य ठिकाणी वातावरण छान आहे. त्यामुळे इथे वर्कआऊट करण्याची मजा काही औरच असल्याचं देवदत्तच म्हणणं आहे. त्याने या वर्कआउटला 'ग्रीन वर्कआउट' असं म्हटलंय.
निर्सर्गाच्या सान्निध्यात व्यायाम करण्याचा आनंद देवदत्तनं सोशल मीडियावर व्यक्त केला आहे.
डॉक्टर डॉनचा सेट कर्जत येथील एका रिसॉर्टवर हलवण्यात आलं आहे. सेटवर स्वच्छता राखली जात असून, खबरदारीचे सर्व उपायही केले जात आहेत. देवदत्त नागे, श्वेता शिंदे आणि रोहिणी हट्टंगडी रायांच्या या मालिकेत प्रमुख भूमिका आहेत.