'द स्काय इज पिंक' चित्रपटामध्ये प्रियांका चोप्रा, फरहान अख्तर आणि झायरा वसिमसोबत एक नवखा चेहरा सध्या सगळ्यांचे लक्ष वेधून घेतोय. चित्रपटात झायरा वसिमच्या मोठ्या भावाची भूमिका साकारणार हा अभिनेता म्हणजे मराठमोळा रोहीत सराफ...
रोहीत सराफ मूळचा सोलापूरचा...मुंबईत लहानाचा मोठा झालेला रोहीत सेंट झेवियर्स कॉलेजात होता.
रोहीत सराफने 'बेस्ट फ्रेंड्स फॉरएव्हर?' मालिकेसह अभिनय क्षेत्रात पदार्पण केले. रोहीत अनेक जाहिरातींमध्येही झळकला आहे. तो एक उत्तम डान्सरसुद्धा आहे.
आलिया भट्ट आणि शाहरुख खान यांची मुख्य भूमिका असलेल्या 'डिअर जिंदगी' या चित्रपटातून रोहीतनं बॉलिवूडमध्ये पदार्पण केलं. या चित्रपटात रोहीतने आलियाच्या भावाची भूमिका साकारली होती. राणी मुखर्जी मुख्य भूमिकेत असलेल्या 'हिचकी' चित्रपटातही त्यानं काम केलंय.
'द स्काय इज पिंक', 'डिअर जिंदगी', 'हिचकी', 'व्हॉट विल पीपल से' अशा चित्रपटातील भूमिकांसाठी त्याचं कौतुक होतंय.
रोहीतला अभिनयाची आवड तर आहेच...याशिवाय त्याला फोटोग्राफी, पेटिंग आणि वाचनाचीही आवड आहे. रोहीतला फिरण्याचीदेखील प्रचंड आवड आहे.