Gudhi Padwa Celebration Of Marathi Celebrity New Couple
गुढी प्रेमळ नात्यांची!
महाराष्ट्र टाइम्स.कॉम28 Mar 2017, 2:20 pm
1/5
गुढी प्रेमळ नात्यांची!
लग्नानंतरचा पहिलाच गुढी पाडवा म्हटल्यावर तो एकदम खास असणार हे वेगळं सांगायला नकोच. काही दिवसांपूर्वीच लग्न झालेले सेलिब्रेटीज त्यांचा पहिला गुढी पाडवा कसा साजरा करणार आहेत, ते पाहण्यासाठी क्लिक करा पुढील फोटोंवर...
2/5
गुढी प्रेमळ नात्यांची!
नव्या वर्षातल्या आव्हानांसाठी सज्ज
यंदाचा गुढी पाडवा माझ्यासाठी खूप महत्त्वाचा आहे. माझ्या आयुष्याच्या नव्या पर्वात येणाऱ्या या नववर्षाचं मला फार कौतुक आहे. यापूर्वी फक्त इतरांना गुढीची पूजा करताना पाहत आले आहे. गुढी पाडव्याच्या पूजेविषयी मला जास्त काही माहिती नाही; पण सासूबाई जसं सांगतील, तसं मी करणार आहे. मी आणि माझा नवरा सुशांत आमच्या पहिल्यावहिल्या गुढी पाडव्यासाठी खूप उत्सुक आहोत. नव्या वर्षाच्या संकल्पांचं म्हणायचं, तर मी रोज नवनवीन आव्हानं पेलत असते. त्यात आता मी आणि सुशांत एकाच क्षेत्रात असल्यामुळे यंदाच्या वर्षी आमच्याकडून आणखी चांगलं काम व्हावं, विविध आव्हानं पेलण्यासाठी आम्ही सज्ज राहावं हीच एक इच्छा आहे.
- मनवा नाईक, अभिनेत्री
3/5
गुढी प्रेमळ नात्यांची!
एकत्रच करतोय प्रोजेक्ट
गुढी पाडव्याच्या निमित्तानं आमचा उत्साहही वाढतोय. नवीन वर्ष, नवे संकल्प, आप्तेष्टांच्या गाठीभेटी, गोडधोडाचं जेवण हे सगळं सणाच्या दिवशी अनुभवता येतं. वातावरण खूप छान असतं. मी आणि माझा नवरा स्वप्नील, आम्ही एकत्र एक प्रोजेक्ट येत्या वर्षात करणार आहोत. त्याविषयी आता जास्त काही सांगत नाही; पण हा प्रोजेक्ट सर्वांनाच आवडेल. येत्या वर्षात मला अधिकाधिक आनंदी राहून चांगलं काम करायचं आहे. नात्यांमधील प्रेम आणि विश्वास दृढ करणारा असा हा सण आहे. यंदा पारंपरिक पद्धतीने घरी गुढी उभारून स्वप्नील आणि मी तिची पूजा करणार आहोत.
- मृण्मयी देशपांडे, अभिनेत्री
4/5
गुढी प्रेमळ नात्यांची!
नातं दृढ होतंय...
लग्नापूर्वी माझ्यावर कुठलीही फार जबाबदारी नव्हती; पण आता माझ्यावर बायको, सून म्हणून जबाबदारी आहे. अर्थात, याचं काही दडपण वगैरे नाही. यंदा मी माझ्या कुटुंबीयांना शंभर टक्के वेळ देण्याचा प्रयत्न करणार आहे. गुढी पाडव्याच्या निमित्तानं मी स्वतः स्वयंपाक करणार आहे. त्यातून सगळ्यांवर छाप पाडायचा माझा प्रयत्न आहे. एरवी मात्र मी फार स्वयंपाक करत नाही. मी आणि संग्राम आपापल्या शूटिंगमध्ये व्यग्र असलो, तरी रात्री पॅकअप झाल्यावर नेहमी एकत्रच घरी जातो. जर त्याचं शूट लवकर संपलं, तर तो माझ्या सेटवर येऊन माझी वाट पाहत थांबतो. त्यामुळे आमचं नातं अधिक घट्ट झालं आहे. आमच्या नात्याची गुढी अशीच उंचावत राहील.
अक्षरांच्या जगात रमणाऱ्या किमया आणि रॉब या जोडप्याने ‘मोटा इटालिक’ या नावाने विलेपार्ले इथे स्टुडिओ सुरू केलाय. देवनागरी भाषेतले क्रिएटिव्ह फाँट बनवण्याचं काम हे जोडपं करतं. किमया आणि रॉबने यंदाचा गुढीपाडवा साजरा केलाय तो अनोख्या पद्धतीनं. त्यासाठी त्यांनी एक फाँट आणि एक दिनदर्शिका डिझाइन केली असून, त्याचं लाँचिंग पाडव्याच्या निमित्तान करण्याचं त्यांनी ठरवलं आहे. याआधीही शरद नावाचा हस्ताक्षरावर आधारित फाँट किमयाने तयार केला होता. आयआयटी मुंबईत टाइप डिझाइनचं प्रशिक्षण घेतल्यानंतर जर्मनीत लिनोटाइपमध्ये तिने शिक्षण घेतलं. पुढे रेडींग युनिव्हर्सिटीत समर स्कूलमध्येही किमयाला या क्षेत्रातले नवे विचार, तंत्रज्ञान यांचा आवाका लक्षात आला. तर दुसरीकडे रॉब जर्मनीत त्याच्या बर्लिनमधील स्टुडिओत देवनागरी फाँटवर काम करत असताना किमयाने त्याला त्यात अनेक सुधारणा सुचवल्या आणि पुढे तो प्रकल्प पूर्ण केला. अशाप्रकारे दोन अक्षरवेड्या टाइप डिझायनरची मनंही जुळली. येणाऱ्या काळात फक्त फाँट डिझाइनच नव्हे तर अक्षरांशी संबंधित विविध पैलूंवर काम करण्याची रॉब आणि किमयाची इच्छा आहे.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.