आपल्या दर्जेदार अभिनयाने एकेकाळी बॉलिवूडवर अधिराज्य गाजवणारी अभिनेत्री तब्बूचा आज वाढदिवस आहे. तब्बूचं पूर्ण नाव तब्बसुम फातिमा हाशमी असं आहे. या फोटोगॅलरीच्या माध्यमातून जाणून घ्या अभिनेत्री तब्बूचा जीवनप्रवास..
१९८० साली प्रदर्शित झालेला 'कुली नंबर १' हा तब्बूचा नायिका म्हणून पहिला चित्रपट होता.
तब्बू ही प्रसिद्ध अभिनेत्री शबाना आझमी यांची भाची आणि अभिनेत्री फरहा नाज यांची बहीण. स्वाभाविकच बॉलिवूडबद्दल तिला पहिल्यापासून आकर्षण होतं आणि हे विश्व तिने जवळून पाहिलंही होतं. वयाच्या १४व्या वर्षी तब्बूनं 'हम नौजवान' या चित्रपटात देव आनंद यांच्या मुलीची भूमिका साकारली होती. बलात्कार झालेल्या या मुलीची व्यक्तिरेखा ताकदीनं करून तब्बूनं सगळ्यांनीच दाद मिळवली होती.
दिग्दर्शक बोनी कपूर यांच्या 'प्रेम' चित्रपटात तब्बू झळकली होती. पण हा चित्रपट बनवण्यास तब्बल ८ वर्ष लागली.
अजय देवगणसोबतच्या 'विजयपथ' या चित्रपटामुळे तब्बू प्रकाशझोतात आली. त्यानंतर 'माचिस' चित्रपटातील तिच्या भूमिकेचंही कौतुक झालं. या भूमिकेसाठी तिला राष्ट्रीय पुरस्काराने देखील सन्मानित करण्यात आलं.
बऱ्याच वर्षांपूर्वी अजय देवगण आणि तब्बू यांच्या प्रेमप्रकरणाची इंडस्ट्रीत जोरदार चर्चा होती. परंतु, त्यांच्यात तसं काही नव्हतं. उलट, अजयमुळेच मी अजूनही सिंगल आहे, असं तब्बू गमतीनं म्हणते. अजय आणि माझा चुलत भाऊ समीर माझ्यावर लक्ष ठेवून असायचे. कोणताही मुलगा माझ्याशी बोलायला आला तर त्याला मारायची धमकी द्यायचे. अजयच्या या वागण्यामुळे माझं अजून लग्न झालं नाही, असं तिनं मागे एका मुलाखतीत सांगितलं होतं. अजयशिवाय, दाक्षिणात्य सुपरस्टार नागार्जुन आणि साजीद नाडियाडवाला यांच्यासोबतही तब्बूचे नाव जोडले गेले होते.
तब्बूने हिंदीसोबतच तामिळ, तेलुगु, मल्याळम, बंगाली आणि इंग्रजी चित्रपटात काम केले आहे.
आपल्या कसदार अभिनयाच्या जोरावर तब्बूने ६ फिल्मफेअर पुस्कारावंर आपली मोहर उमटवली. त्याचबरोबर २०११ मध्ये भारत सरकारने तब्बूला पद्मश्री पुरस्काराने सन्मानित केले.