रिलायन्स इंडस्ट्रीजचे मालक मुकेश अंबानी यांची मुलगी ईशा अंबानी ही देशातील सर्वात स्टाईलिश बिझिनेस वूमन आहे. व्यवसाय हाताळण्याच्या कौशल्याबरोबरच तिची स्टाईल आणि ड्रेसिंग सेन्सही चर्चेत असतो. ईशा अंबानीचा फॅशन सेन्स बॉलिवूड सेलिब्रिटींच्या तोडीस तोड आहे. वेस्टर्न कपड्यांसोबत तिला पारंपरिक साडी नेसायलाही आवडते...तिच्या पारंपरिक लुकमधील फोटोंची एक झलक...
ईशाने तिच्या मामेबहिणीच्या लग्नात फ्रेंच लेस असलेल्या लॅव्हेंडर रंगाच्या साडीत दिसली. प्रसिद्ध फॅशन डिझाइनर अबू जानी आणि संदीप खोसला यांनी ही साडी डिझाइन केली होती. बेल्ट साडीचा ट्रेंडमध्ये आहे, त्यामुळे ईशाने या साडीवर डायमंड बेल्टही घातला होता.
ईशाने स्लीव्हलेस ब्लाउज आणि ड्रेप केलेल्या साडीच्या पदरासह फ्लोरल प्रिंट शरारा पॅन्ट परिधान केली आहे. त्यावर मॅचिंग फ्लोरल जॅकेटही होते. ही शरारा साडी अनामिका खन्ना यांनी डिझाइन केली होती.
दिवाळीच्या निमित्ताने ईशा अंबानी टील ग्रीन रंगाच्या बनारसी साडीमध्ये दिसली होती. त्यावर तिने गुलाबी रंगाचा हेवी वर्क असलेला मखमली ब्लाउज आणि हेवी ज्वेलरी परिधान केली होती. ही साडी प्रसिद्ध डिझायनर सब्यसाची यांनी डिझाइन केली होती.
ईशा अंबानी एका कार्यक्रमादरम्यान अबू जानी संदीप खोसलाने डिझाइन केलेल्या काळ्या आणि चंदेरी रंगाच्या शिमरी साडीमध्ये दिसली होती.
प्रसिद्ध डिझायनर सब्यसाच्या इंडस्ट्रीतील कारकीर्दीची २० वर्षे झाल्यानिमित्त एका पार्टीचं आयोजन करण्यातं आलं होत. या पार्टीत ईशा काळ्या रंगाच्या साडीमध्ये दिसली होती.