विकी कौशल आणि कतरिना कैफच्या अफेअरच्या चर्चा अनेक महिन्यांपासून होत आहेत. आता पुन्हा एकदा या अफेअरला जोर धरला. या मागचं कारणही तसं खास आहे. त्यांच्या सोशल मीडिया पोस्टवरून चाहत्यांची नजर हटत नाही.
कतरिना कैफने इन्स्टाग्रामवर तिचा एक फोटो पोस्ट केला. यात तिने पांढर्या रंगाचं हूडी स्वेटशर्ट घातलं होतं. या फोटोला कॅप्शन देताना तिने लिहिले की, जेव्हा पाऊस पडेल, तेव्हा मी माझी छत्री शेअर करेन.. पण माझ्याकडे छत्री नसेल तर मी माझा पाऊस शेअर करेन.
कतरिनाचा हा फोटो पाहिल्यानंतर लोकांना विकी कौशलचा फोटो आठवला. या फोटोत विकीनेही पांढऱ्या रंगाचीच हूडी घातली होती. दोघांचे हे फोटो पाहून त्यांच्या अफेअरच्या चर्चांना अधिक उधाण आलं.
कतरिना आणि विकीने त्यांच्या अफेअरच्या चर्चांमध्ये तथ्य नसल्याचं सांगितलं होतं. पण त्यांचे लंच, डिनर आणि पार्टीमधले एकत्र फोटो खूप काही सांगतात. विकीने करण जोहरच्या चॅट शोमध्ये त्याला कतरिना कैफ आवडत असल्याचं सांगितलं. यानंतरच दोघांच्या अफेअरच्या चर्चांना उधाण आलं होतं.
बॉलिवूड स्टार्सच्या एका पार्टीतले विकी आणि कतरिनाचे फोटो व्हायरल झाले होते. या पार्टीत विकीची नजर कतरिनावरून जराही हटत नव्हती.
दिवाळी पार्टी असो किंवा बर्थडे पार्टी प्रत्येकवेळा दोघांनी एकमेकांसोबत वेळ घालवण्याची एकही संधी सोडली नाही. कतरिनाचं रणबीर कपूरशी ब्रेकअप झाल्यानंतर ती सिंगलच आहे. तर गेल्यावर्षी विकीचंही गर्लफ्रेंड हरलीन सेठीसोबत ब्रेकअप झालं.