अभिनेता रणवीर सिंग हा बॉलिवूडमधील अशा अभिनेत्यांपैकी एक आहे, जो आपल्या चित्रविचित्र कपड्यांमुळे बर्याचदा चर्चेत येतो. पुन्हा एकदा रणवीर सिंग आपल्या अशा हटके फोटोशूटमुळे चर्चेत आला आहे. रणवीरने बुधवारी आपल्या इन्स्टाग्राम अकाउंटवर बरेच फोटो शेअर केले. यात तो एका वेगळ्या स्टाइलमध्ये दिसत आहे.
हे फोटो शेअर करत रणवीरने कॅप्शनमध्ये लिहिले की, 'माय लव्ह अलेसँड्रो.' रणवीर सिंगच्या या नव्या फोटोंवर चाहत्यांपासून ते बॉलिवूड सेलिब्रिटींपर्यंत अनेकांनी प्रतिक्रिया दिल्या आहेत. रणवीरचा खास मित्र आणि बॉलिवूड अभिनेता अर्जुन कपूर यानेही फोटोवर कमेन्ट करत लिहिले की, 'वीर लेटो.'
रणवीर सिंगच्या या फोटोंची सध्या सोशल मीडियावर चर्चा आहे. अवघ्या एका तासातच ६ लाखाहून अधिक लाइक्स या फोटोंना मिळाले आहेत.
फोटोमध्ये रणवीर सिंगने स्काय ब्लू कलरचा ट्रॅकसूट घातला आहे आणि काळ्या रंगाची लेदर हँडबॅग हातात घेतली आहे. रणवीर सिंगचे सर्व फोटो त्याच्या इतर फोटोंपेक्षा खूप वेगळे आहेत. या फोटोंमध्ये त्याने सोन्याचे दागिने आणि लांब केसांचा विग घातला आहे.
रणवीर सिंगच्या फोटोवर कमेन्ट करताना आलिया भट्टने, 'अरे! अरे, असं आहे का! अरे, असं आहे का !!! ' तर हिमेश रेशमियाने रणवीरच्या लुकचे कौतुक करत 'हिस्टोरिक.' अशी कमेन्ट केली.