'रात्रीस खेळ चाले २' मालिकेत शेवंता आणि अण्णा नाईक यांच्या लग्नाची प्रेक्षकांना प्रचंड उत्सुकता होती. पण लॉकडाऊन घोषित झाला आणि मालिकेचं शूटिंग थांबलं. त्यामूळं या दोघांचं लग्न लांबणीवर पडलं होतं. मालिकेत या दोघांच्या लग्न लागणार असून एक महत्त्वाचा ट्विस्ट प्रेक्षकांना पाहायला मिळणार आहे.
हिरवा चुडा, कपाळावर मोठ्ठं कुंकू आणि गळ्यात मंगळसूत्र घातलेले शेवंताचे फोटो सध्या सोशल मीडियावर व्हायरल झाले आहेत.
अण्णा नाईकांसोबत लग्न करण्यासाठी शेवंता उतावळी झाली होती. पण तिच्यासोबत लग्न करणं हे देखील अण्णांचं कट कारस्थान असू शकतं.
ही मालिका एका निर्णायक वळणावर आली आहे.
शेवंताला काही करून अण्णांच्या वाड्यात प्रवेश मिळवायचाय, पण लग्न केल्यानंतरही तिला अण्णा वाड्यात प्रवेश देणार की नाही, हे पाहण्यासाठी प्रेक्षक उत्सुक आहेत.
शेवंताचा लूक नेहमीप्रमाणे चर्चेचा विषय ठरतोय. तिच्या नजरेनं चाहते घायाळ झाले नाहीत तर नवलच!