सैफ अली खानचा 'लाल कप्तान' या चित्रपटाचा ट्रेलर नुकताच प्रदर्शित करण्यात आला असून या चित्रपटातील त्याच्या लुकची सध्या चर्चा आहे. नागा साधूच्या भूमिकेतील सैफचा लुक पाहून अनेकांनी त्याला ओळखलं नाही. त्याच्या आतापर्यंतच्या चित्रपटांच्या यादीत अशा अनेक भूमिका लक्षवेधी ठरल्या आहेत. त्यावर टाकलेली एक नजर...
विशाल भारद्वाज यांचा 'ओमकारा' हा चित्रपट २००६ मध्ये प्रदर्शित झाला होता.या चित्रपटात सैफनं 'लंगडा त्यागी'ची नकारात्मक भूमिका साकारली होती. चित्रपटात मुख्य हिरोपेक्षा सैफची भूमिका भाव खाऊन गेली होती.
'बुलेट राजा' या चित्रपटात सैफनं 'राजा मिश्रा'ची भूमिका साकारली होती. या भूमिकेचं देखील समीक्षक आणि प्रेक्षकांकडून कौतुक झालं होतं.
२०१८ मध्ये प्रदर्शित झालेला 'बाजार' या चित्रपटात सैफनं वेगळीच भूमिका साकारली होती.या चित्रपटात सैफ व्यवसायिकाच्या भूमिकेत होता .हा चित्रपट बॉक्स ऑफिसवर फार काही हीट झाला नाही. परंतु सैफच्या भूमिकेनं लक्ष वेधून घेतलं .
सैफ अली खान चा 'गो गोवा गॉन' हा चित्रपट २०१३ मध्ये प्रदर्शित झाला होता. या चित्रपटातील त्याच्या झोम्बी लुकनं त्याच्या भूमिकेला वेगळीच ओळख मिळवून दिली होती.