टेलिव्हिजन मालिका ‘कुंडली भाग्य’मधील (Kundali Bhagya) श्रद्धा आर्याचे (Shraddha Arya) ड्रेसिंग स्टाइल कमाल आहे. वेस्टर्न कपड्यांपासून ते पारंपरिक पोषाखापर्यंत, ही अभिनेत्री सर्वच पॅटर्नच्या कपड्यांमध्ये सुंदर दिसते. तिच्या स्टाइलमध्ये नेहमीच ग्लॅमर आणि बोल्ड टच पाहायला मिळतो.
श्रद्धा आर्याने एका फोटोशूटसाठी काळ्या रंगाची साडी नेसली होती. साडीवर तिनं हाफ स्लीव्ह्जचे मॅचिंग ब्लाउज घातल्याचे आपण पाहू शकता. साडीवर थ्री-डी खडे आणि वजनदार एम्ब्रॉयडरी वर्क करण्यात आलं होतं.
श्रद्धाच्या साडीवर फ्लोरल मोटिफ्स डिझाइन आपण पाहू शकता. तसंच साडीवर वजनदार स्टोन वर्क सुद्धा करण्यात आलं होतं. साडीच्या पदरावर हँडमेड पारंपरिक एम्ब्रॉयडरी वर्क दिसतंय. यामुळे साडीचं पॅटर्न प्रचंड आकर्षक दिसत होतं.
परफेक्ट लुक दिसावा यासाठी श्रद्धाने वजनदार ऑक्सिडाइझ्ड ज्वेलरी परिधान केली नव्हती. याऐवजी तिनं कानामध्ये केवळ डायमंड झुमर झुमके घातले होते. मेकअप लाइट टोन केला होता. साइड पार्टेड हेअरस्टाइलमुळे तिला आकर्षक लुक मिळाला आहे.
साध्या व वजनाने हलक्या असणाऱ्या साड्यांमुळेही ग्लॅमरस व मॉडर्न लुक मिळू शकतो. तसंच काळ्या रंगाच्या साडीमध्ये कोणाचंही सौंदर्य अधिकच खुलून दिसते, यात शंकाच नाही.