पेट्रोल-डिझेल, घरगुती एलपीजी गॅस सिलिंडरच्या महागाईबद्दल विरोधक रडगाणं गात असलं तरी पेट्रोलियम मंत्री हरदीप सिंग पुरी म्हणतात की भारतात एलपीजी सिलिंडरच्या किमती जागतिक स्तरावर सर्वात कमी आहेत. विशेषत: शेजारील तीन देशांसह अमेरिका, कॅनडा आणि ऑस्ट्रेलियाच्या तुलनेत १४.२ किलो एलपीजी सिलेंडर खूप स्वस्त आहे.
पुरी यांनी ट्विट केले आहे की, मोदी सरकारच्या 'सिटिझन फर्स्ट' धोरणांचा परिणाम म्हणून भारतात एलपीजीच्या किमतीत वाढ जागतिक स्तरापेक्षा खूपच कमी आहे. इनपुट खर्च वाढल्यामुळे जगभरात एलपीजीच्या किमती वाढल्या आहेत.
पुरींच्या ट्विटमध्ये दिलेल्या माहितीनुसार, भारतात सध्या दिल्लीत १४.२ किलोच्या एलपीजी सिलेंडरची किंमत १,०५३ रुपये आहे. या सामान वजनाच्या सिलेंडरची किंमत पाकिस्तानमध्ये १११३.७३ रुपये आणि श्रीलंकेत १२४३.३२ रुपये असेल. त्याच वेळी, नेपाळमध्ये इतक्याच वाजेच्या गॅससाठी तेथील नागरियांना ११३९.९३ रुपये मोजावे लागत आहेत. तर १४.२ किलोच्या सिलेंडरची किंमत ऑस्ट्रेलियात १७६४.६७ रुपये, अमेरिकेत १७५४.६७ रुपये आणि कॅनडामध्ये २४११.२० रुपये असेल.
६ जुलै रोजी एलपीजी सिलिंडरच्या दरात वाढ झाल्यानंतर आता दिल्लीत घरगुती स्वयंपाकाच्या गॅस सिलिंडरची किंमत १,०५३ रुपये, मुंबईत पूर्वी रु. १,००२.५० वरून १,०५२.५० रु., कोलकात्यात पूर्वी रु. १,०२९ वरून रु. १,०७९ आणि चेन्नईत रु. १,०५८.५० वरून रु. १०६८.५० रुपये इतकी झाली आहे.
१ जुलै २०१४ रोजी दिल्लीत विनाअनुदानित घरगुती सिलिंडरची किंमत ९२२.५० रुपये होती. काही लोकांना त्यावर सबसिडी मिळायची, त्यामुळे त्याची किंमत ४०० ते ५०० रुपये होती. विनाअनुदानित सिलिंडर बद्दल बोलायचे झाले तर ८ वर्षात फक्त १३० रूपये महाग झाले आहेत.