यंदा दिवाळीवर करोनाचे सावट आहे. तरी पण नागरिक दिवाळी साजरी करण्यासाठी सज्ज झाले आहेत. सोशल डिस्टनसिंगचं पालन करत नागरिक बाजरपेठेतही लगबग दिसत आहे. यंदा नागरिकांनीही पर्यावरणपूरक दिवाळी साजरी करण्याचा निर्णय घेतला आहे.
प्लास्टिक बंदीला पर्याय म्हणून कागदी कंदिलांच्या पाठोपाठ रेशमी साज असलेले आकाशकंदील दाखल झाले आहेत. जरीच्या कपड्यांचे कंदील ग्राहकांच्या पसंतीस उतरत आहेत.
लालबागमधील अभिषेक साटम या तरुणानं पैठणी साडीपासून कंदील तयार केले आहेत. या कंदिलांना यंदा बाजारात अधिक मागणी आहे.
वैविध्यपूर्ण आकारासह पारंपरिक आकारांना यंदा विशेष पसंती आहे. चौकोनी, पंचकोनी, षटकोनी आकारसह गोल, लंबवर्तुळाकार कंदिलांची खरेदी अधिक होत आहे.
पारंपरिक पद्धतीने सणउत्सव साजरा करण्याकडे कल वाढत असल्याने बाजारपेठेतील खरेदीतही पारंपरिकता जपली जात असल्याचे या माध्यमातून स्पष्ट होत आहे.