किल्ले रायगड येथे साजरा होणारा शिवराज्याभिषेक दिन सोहळ्याची तयारी अंतिम टप्प्यात आली असून, मोठ्या प्रमाणावर शिवप्रेमींनी गडावर हजेरी लावली आहे. राज्यभरातून शिवप्रेमी या सोहळ्याला आवर्जुन उपस्थिती लावत असतात.
अखिल भारतीय शिवराज्याभिषेक सोहळा समितीतर्फे ५ व ६ जून रोजी शिवराज्याभिषेक दिन सोहळा रायगडावर साजरा करण्यात येतो. (छायाचित्रः ऋषिकेश व्हावळ)
शिवराज्याभिषेक दिन सोहळ्यानिमित्त 'जागर शिवकालिन युद्धकलेचा'मध्ये मर्दानी खेळांच्या प्रात्यक्षिकांचे आयोजन करण्यात येते. (छायाचित्रः ऋषिकेश व्हावळ)
शिवराज्याभिषेक दिन सोहळ्यानिमित्त आयोजित मर्दानी खेळांच्या प्रात्यक्षिकात महिलादेखील मोठ्या प्रमाणावर सहभागी होतात. (छायाचित्रः ऋषिकेश व्हावळ)
पट्टा, तलवार, भाला, जंबिया, कट्यार, लाठी आदींचे सादरीकरण मर्दानी खेळांच्या प्रात्यक्षिकात करण्यात येते. (छायाचित्रः ऋषिकेश व्हावळ)
शिवराज्याभिषेक दिन सोहळ्याच्या दुसऱ्या दिवशी छत्रपती शिवाजी महाराजांचा पालखी सोहळा होणार आहे. (छायाचित्रः ऋषिकेश व्हावळ)