१६ वर्षांपासून रॉकी खरात कुटुंबातील सदस्य होता. त्याच्या मृत्यूने सर्वांनाच अतिशय दुःख झालं आहे.
रॉकीचं निधन झाल्यानंतर एखाद्या माणसाप्रमाणे त्याची अंत्ययात्रा काढण्याची तयारी खरात कुटुंबीयांनी केली. अंत्ययात्रा काढण्यासाठी फुलाने सजवलेला शांती रथ आणण्यात आला.
रॉकीच्या शरीरावर पांढरी शाल अंथरून त्याच्या गळ्यात फुलांचा हार घालण्यात आला.
हलगी वाजवत माशाळवस्ती ते मंद्रूप येथील शेतापर्यंत अंत्ययात्रा काढण्यात आली. शेतातच रॉकीवर अंत्यसंस्कार करण्यात आले.
सचिन खरात यांनी सोशल मीडियावर रॉकीसाठी भावनिक संदेशही लिहिला आहे. त्यांनी रॉकीचं एक बॅनरही तयार केलं.
आजच्या स्वार्थी आणि मतलबी दुनियेत मानवापेक्षा जीवाला जीव देणारा अत्यंत इमानदार रॉकी मला आणि माझ्या कुटुंबाला सोडून गेला आहे. तो लोकांसाठी प्राणी असेल पण आमच्यासाठी कुटुंबिय होता, असं खरात म्हणाले.
त्याच्या आठवणी कायम राहतील, पण त्याचा अंतिम प्रवास हा एक सोहळा व्हावा अशी माझी आणि माझ्या कुटुंबाची इच्छा असून तीच त्याला खरी श्रद्धांजली ठरेल, असंही सचिन यांनी सांगितलं.