एकनाथ शिंदें यांनी बंड केल्यानंतर अनेक शिवसैनिक शिंदेंच्या सोबत आहेत. शिंदे यांच्या बंडाला वाढता प्रतिसाद मिळत आहे. आज शिंदे समर्थक आमदारांची संख्या सातनं वाढली आहे.
दीपक केसरकर, दादा भुसे, मंगेश कुडाळकर, आशिष जैस्वाल, मंगेश कुडाळकर, सदा सरवणकर, संजय राठोड गुवाहाटीत पोहोचले आहेत.
शिवसेना आमदार सदा सरवणकर, मंगेश कुडाळकर, दीपक केसरकर आणि रामटेकचे अपक्ष आमदार आशिष जैस्वाल गुवाहाटी येथील रेडीसन ब्लू हॉटेलमध्ये पोहोचले आहे. याचे काही फोटोही समोर आले आहेत.
एकनाथ शिंदे यांनी बंडखोरी केली, त्याला तीन दिवस उलटून गेले असले तरीदेखील आपण शिवसेनेसोबत असून शिवसेना सोडणार नसल्याचं शिंदेंकडून सांगण्यात येत आहे.
अशात शिंदे यांनी शिवसेनेशी बंड करत गद्दारी केल्याचा सूर पक्षप्रमुख उद्धव ठाकरे यांच्या कालच्या बोलण्यातून समोर येत होता.
यामुळे आता शिंदे नक्की काय भूमिका घेणार? याकडे राज्यभरातील शिवसैनिकांसह सामान्य नागरिकांचं लक्ष लागून राहिलं आहे.
तर दुसरीकडे शिंदे यांच्या गटात सामील होण्यासाठी काही आमदार गुवाहाटी पोचले आहेत. तर काही खासदार यांचा सुद्धा त्यांना पाठींबा आहे.