अमरावतीच्या खासदार नवनीत राणा यासुद्धा दरवर्षी करवा चौथ व्रत करतात. रविवारी त्यांनी दिवसभर उपवास करून रात्री चंद्र व नंतर आपल्या पतीचे अर्थात आमदार रवी राणांचे मुखदर्शन घेवून उपवास सोडला.
याचे काही खास फोटो सध्या सोशल मीडियावर व्हायरल होत आहेत.
नवनीत राणा यांनीही रितीप्रमाणे पतीच्या दिर्घ आयुष्यासाठी उपवास करत चंद्र देवतेस प्रार्थना केली.
दर वर्षी कार्तिक महिन्याच्या चौथ्या (चतुर्थीस) करवा चौथ व्रत असतो. परंपरेनुसार हिंदी भाषीय विवाहित महिला यादिवशी पहाटेच शिव शंकराला व सूर्याला जलअर्घ्य देवून सकाळ ते रात्री चन्द्र दर्शनापर्यंत उपाशी राहून आपल्या पतीच्या दिर्घ आयुष्यासाठी चंद्र देवतेस प्रार्थना करतात.
भारतात मुख्यत्वे राजस्थान, उत्तरप्रदेश, गुजरात, हरियाना, हिमाचल प्रदेश, मध्यप्रदेश, पंजाब या राज्यांमध्ये हे पारंपारिक व्रत विवाहित महिला दरवर्षी करतात.