ट्वेन्टी-२० क्रिकेटमध्ये सर्वाधिक चौकार लगावण्याचा विक्रम गेलच्या नावावर आहे. गेलने आतापर्यंतच्या ट्वेन्टी-२० सामन्यांमध्ये १०२६ चौकार लगावलेले आहेत.
गेलने २०१३ साली आयपीएलमध्ये पुणे वॉरियर्स संघाकडून खेळताना सर्वाधिक १७५ धावांची खेळी साकारली होती. आयपीएलमध्ये अजूनही हीच सर्वोत्तम धावसंख्या आहे.
आयपीएलमध्ये सर्वाधिक षटकारांचा विक्रमही गेलच्याच नावावर आहे. गेलने आतापर्यंतच्या आयपीएलमध्ये सर्वाधिक ३२६ षटकार लगावलेले आहेत.
गेल हा असा एक फलंदाज आहे की, आतापर्यंत चार मोसमांमध्ये सर्वाधिक षटकार गेलच्या नावावर राहिलेले आहेत. गेलने २०११ (४४), २०१२ (५९), २०१३ (५१) आणि २०१५ (३८) या चार वर्षांमध्ये सर्वाधिक षटकार लगावण्याचा विक्रम केला होता.
ट्वेन्टी-२० क्रिकेटमध्ये सर्वात जलद एक हजार षटकार ठोकण्याचा विक्रम आता ख्रिस गेल आयपीएलमध्ये करू शकतो.
आतापर्यंत ट्वेन्टी-२० क्रिकेटमध्ये एकाही फलंदाजाला एक हजार षटकार ठोकता आलेले नाहीत.
या आयपीएलमध्ये जर गेलने २२ षटकारल लगावले तर त्याचे ट्वेन्टी-२० क्रिकेटमधील एक हजार षटकार पूर्ण होऊ शकतात.
ख्रिस गेलचा वाढदिवस २१ सप्टेंबरला आहे. त्यामुळे यावर्षी गेल आपला वाढदिवस आयपीएलमध्येच साजरा करणार आहे.