मुंबईची रोहित शर्मा आणि सूर्यकुमार यादव यांची जोडी यावेळी चांगलीच जमलेली पाहायला मिळाली. कारण या दोघांनी डीकॉक बाद झाल्यावर संघाच्या धावसंख्येला चांगला आकार दिला. रोहित आणि सूर्यकुमार यांनी दुसऱ्या विकेटसाठी ९० धावांची भागीदारी रचली.
मुंबई इंडियन्सचा अष्टपैलू हार्दिक पंड्या यावेळी विचित्रपद्धतीने आऊट झाल्याचे पाहायला मिळाले. हार्दिक यावेळी हिटविकेट झाला. हार्दिकची बॅट यावेळ स्टम्पला लागली आणि तो बाद झाला.
रोहितने यावेळी ५४ चेडूंत चीन चौकार आणि सहा षटकारांच्या जोरावर ८० धावांची खेळी साकारली. रोहित यावेळी शतक झळकावेल, असे चाहत्यांना वाटत होते, पण त्याचे शतक या सामन्यात हुकले.
रोहित शर्माने या सामन्यात आयपीएलमधील आपले २०० षटकार पूर्ण केले.
रोहित शर्माच्या धडाकेबाज ८० धावांच्या खेळीच्या जोरावर मुंबईला केकेआरपुढे १९६ धावांचे आव्हान ठेवता आले.
मुंबई इंडियन्सने सुरुवातीलाच केकेआरला दोन धक्के दिले. मुंबईने केकेआरच्या दोन्ही सलामीवीरांना स्वस्तात बाद केले.
जसप्रीत बुमराने यावेळी एकाच षटकात आंद्रे रसेल आणि इऑन मॉर्गन यांना बाद करत केकेआरला हादरे दिले. यानंतर केकेआॉरच्या विजयाच्या आशा मावळल्या.