राजस्थानच्या संघाने यावेळई सांघिक कामगिरी करत चेन्नईच्या संघाला धक्का दिला. त्यामुळे आता राजस्थानकडून चाहत्यांच्या अपेक्षा उंचावल्या आहेत.
चेन्नईच्या संघाचा कर्णधार महेंद्रसिंग धोनीने अखेरच्या षटकांत तीन षटकार लगावले खरे, पण तोपर्यंत बराच उशिर झाला होता. कारण धोनीने तीन षटकार लगावून चेन्नईला विजय मिळणारच नव्हता.
राजस्थानच्या राहुल टेवाटियाने यावेळी तीन बळी मिळवत चेन्नईला पिछाडीवर ढकलले.
विजयासाठी २१७ धावांचे आव्हान समोर असले तरी चेन्नईच्या सलामीवीरांनी यावेळी सावध सुरुवात केल्याचे पाहायला मिळाले.
जोफ्राने तर दोन चेडूंत यावेळी २६ धावा संघाला फटकावून दिल्या, ज्यामध्ये दोन नो बॉल आणि चार षटकारांचा समावेश होता. जोफ्रा आर्चरने तर या सामन्यात फक्त आठ चेंडूंत ४ षटकारांच्या जोरावर नाबाद २७ धावांची खेळी साकारली.
चेन्नईचा युवा वेगवान गोलंदाज सॅम कुरनने यावेळी झटपट दोन विकेट्स मिळवत सामन्यात रंगत आणली.
संजू आणि स्मिथ यांनी दुसऱ्या विकेटसाठी १२१ धावांची झंझावाती भागीदारी रचली. त्यामुळएच राजस्थानच्या संघाला मोठी धावसंख्या उभारता आली.
आजच्या सामन्यात झंझावाती खेळी साकारली ती संजू सॅमसनने. संजूने चेन्नईविरुद्धच्या सामन्यात ३२ चेंडूंत १ चौकार आणि ९ षटकारांच्या जोरावर ७४ धावांची दमदार खेळी साकारली.
चेन्नईचा वेगवान गोलंदाज दीपक चहरने यावेळी संघाला चांगली सुरुवात करून दिली होती. दीपकने युवा सलामीवीर यशस्वी जैस्वालला स्वस्तात बाद केले.