रोहित शर्मा हा मुंबईचा कर्णधार आणि धडाकेबाज सलामीवीर आहे. रोहितने आतापर्यंत आपल्या नेतृत्वाखाली संघाला चार जेतेपदं मिळवून दिली आहेत. त्यामुळे यावर्षी रोहित शर्मा काय कमाल करतो, हे पाहणे महत्वाचे ठरणार आहे.
मुंबईसाठी रोहितबरोबर सलामीला क्विंटन डीकॉक हा येऊ शकतो. आतापर्यंत क्विंटन डीकॉकने संघाचा चांगली सुरुवात करून दिली आहे. त्याचबरोबर तो चांगले यष्टीरक्षणही करताना दिसतो.
आतापर्यंत मुंबईच्या संघाच्या मधल्या फळीचा भार सूर्यकुमार यादवने सांभाळला आहे. त्यामुळे मुंबईचा संघ सूर्यकुमारवर विश्वास ठेवून त्याला तिसऱ्या क्रमांकावर फलंदाजीला पाठवू शकतो
युवा डावखुरा धडाकेबाज फलंदाज इशान किशनला यावेळी पहिल्या सामन्यात संधी मिळू शकते. इशानने आतापर्यंत दमदार फलंदाजी केली आहे. त्याचबरोबर सूर्यकुमार आणि त्याची जोडी चांगलीच प्रसिद्ध आहे.
हार्दिक पंड्या हा मुंबईच्या संघाचा हुकमी एक्का आहे. धडाकेबाज फलंदाजी आणि भेदक गोलंदाजी करत हार्दिकने आतापर्यंत संघाच्या विजयात मोलाचा वाटा उचलला आहे.
मुंबईच्या संघाने किरॉन पोलार्डला आपल्या संघात कायम ठेवले आहे. एकहाती सामना फिरवण्याची धमक पोलार्डमध्ये आहे. त्यामुळे पहिल्या सामन्यात त्याला संधी मिळू शकते.
डावखुरा तुफानी फलंदाज आणि फिरकीपटू कृणाल पंड्याने आपल्यावरील विश्वास कायम ठेवला आहे. त्यामुळे सलामीच्या लढतीत मुंबईचा संघ त्याला संधी देऊ शकतो.
मुंबईच्या गोलंदाजीचा मुख्य भार यावेळी वेगवान गोलंदाज जसप्रीत बुमरावर असेल. कारण संघात लसिथ मलिंगा नसल्यामुळे बुमरावरील जबाबदारी आता वाढलेली असेल.
बुमराला यावेळी साथ देण्यासाठी ट्रेंट बोल्ट हा वेगवान गोलंदाज सज्ज असेल. भेदक मारा करणाऱ्या बोल्टला मलिंगाचा पर्याय म्हणून मुंबईचा संघ संधी देऊ शकतो.
मुंबईच्या संघासाठी राहुल चहर हा फिरकीपटू म्हणून चांगला पर्याय उपलब्ध असेल. यापूर्वीही राहुलला मुंबईच्या संघाने संधी दिली असून त्याने चांगली कामगिरी केली आहे.
बुमरा आणि बोल्ट यांच्यासाथीने मुंबईचा संघ वेगवान गोलंदाज नॅथन कल्टर-नाइल या ऑस्ट्रेलियाच्या खेळाडूला संधी देऊ शकतो.