भारत आणि ऑस्ट्रेलियादरम्यान अहमदाबादच्या नरेंद्र मोदी स्टेडियममध्ये झालेल्या सामान्यात उस्मान ख्वाजाने आपली शतकी कामगिरी केली. मूळचा पाकिस्तानचा असलेल्या या क्रिकेटपटूची फलंदाजी जितकी जबरदस्त होती, तितकीच त्याची लव्हस्टोरीही सुपरहिट आहे.
उस्मान ख्वाजाची पत्नी रेचेलसोबतची लव्हस्टोरी खास आहे. निळ्या डोळ्यांच्या रेचेलने लग्नाआधी इस्लाम धर्म स्वीकारला होता.
उस्मान ख्वाजाने २०१८ च्या एप्रिलमध्ये रेचेलशी लग्न केलं. लग्नाच्या दोन वर्ष आधी २०१६ मध्ये त्यांनी साखरपुडा केला होता.
लग्नाआधी रेचेलने इस्लाम धर्म स्वीकारला. याआधी ती कॅथलिक ख्रिश्चन होती.
यावेळी उस्मानने असं सांगितलं होतं, की रेचेलने कोणत्याही दबावाशिवाय धर्मांतर केलं आणि ही तिची पसंती होती. उस्मानने रेचेलला तिच्या २१व्या वाढदिवशी न्यूयॉर्कच्या सेंट्रल पार्कमध्ये घोडेस्वारी करताना प्रपोज केलं होतं.
उस्मान आणि रेचेल २०२० मध्ये एका मुलीचे आई-वडील झाले. रेचेल उस्मानपेक्षा ९ वर्षांनी लहान आहे.