अजिंक्य रहाणे हा प्रचंड संयमी आणि शांत क्रिकेटपटू मानला जातो. २०२१ मध्ये ऑस्ट्रेलिया विरुद्धच्या कसोटी मालिकेत भारताने २-१ ने विजय मिळवल्यांतर मायदेशात परतलेल्या अजिंक्यचे स्वागत पत्नी राधीका आणि मुलीने केले. विमानतळावरून घरी आल्यावर अजिंक्यच्या स्वागतासाठी संपूर्ण सोसायटी हजर होती. तुतारी आणि ढोल-ताशांसह त्याचे स्वागत केले गेले. अजिंक्यची पत्नी राधिका बाबत फार कमी माहिती आहे, कारण ती ग्लॅमर जगापासून दूर असते.
ऑस्ट्रेलियातून परतलेल्या भारतीय खेळाडूंचे मायदेशात जोरदार स्वागत झाले. अजिंक्यच्या स्वागतासाठी मुंबईतील चाहते तयार होते. त्याची पत्नी आणि मुलगी विमानतळावर अजिंक्यच्या स्वागतासाठी उपस्थित होते. रहाणेने प्रथम मुलीला कडेवर घेतले.
ऑस्ट्रेलियात भारतीय संघाने प्रथमच सलग दोन वेळा कसोटी मालिका जिंकली होती. अजिंक्यच्या नेतृत्वाखाली भारतीय संघाने अंतिम कसोटी ऑस्ट्रेलियाचा ३ विकेटनी पराभव केला आणि मालिका २-१ने जिंकली. त्याच बरोबर बॉर्डर-गावस्कर ट्रॉफी स्वत:कडे कामय राखली होती.
अजिंक्य आणि राधिका यांची लव्ह स्टोरी फिल्मी आहे. हे दोघे एकाच शाळेत शिकत होते. लहानपणापासून एकत्र असलेल्या राधिका-अजिंक्यची मैत्रीचे प्रेमात रुपांतर झाले. अजिंक्य आणि राधिका एकमेकांच्या जवळच रहात असल्याने नेहमी भेट होत असे. एकत्र होण्याचा निर्णय घेतल्यानंतर या दोघांनी घरच्यांना निर्णय सांगितला.
कुटुंबियांनी परवानगी दिल्यानंतर या दोघांचा २६ डिसेंबर २०१४ रोजी विवाह झाला.
स्वत:च्या लग्नातील एक गोष्ट अजिंक्य कधीच लक्षात ठेवणार नाही. अजिंक्य लग्नासाठी राधिकाच्या घरी टीशर्ट आणि जीन्स घालून गेला होता. अशा ड्रेसमध्ये पाहिल्यानंतर राधिकाला प्रचंड राग आला होता. नंतर अजिंक्यला त्याची चूक लक्षात आली. या घटनेबद्दल बोलताना अजिंक्यने म्हटले होते की, त्याला कपडे घेण्यासाठी वेळ मिळाली नव्हता.
क्रिकेट मैदानावर प्रतिस्पर्धी संघाला अडचणीत टाकणारा अजिंक्य पत्नी राधिकाला प्रेरणास्रोत मानतो. तो नेहमी ही गोष्ट सांगतो की, राधिकाने मला नेहमीच सपोर्ट केला आहे. दोघे लहानपणापासून मित्र असल्याने एकमेकांना चांगले समजून घेतात.
राधिकाला साधे आयुष्य जगण्यास आवडते त्यामुळेच ती ग्लॅमर जगात दिसत नाही. सोशल मीडियावर देखील ती अधिक सक्रीय नसते. इस्टाग्रामवर तिचे फक्त ३.७ लाख फॉलोअर्स आहेत. या उटल अन्य भारतीय क्रिकेटपटूंच्या पत्नीचे सोशल मीडियावर काही लाख फॉलोअर्स आहेत. राधिका पार्टी आणि इवेंट्समध्ये देखील कमीच दिसते. ती स्वत:ला होममेकर असल्याचे सांगते.