आयपीएल आणि विवो इंडियाने या वर्षी वेगळ होण्याचा निर्णय घेतला आहे. भारत-चीन यांच्यातील वादाच्या पार्श्वभूमीवर हा निर्णय घेण्यात आला. आता बीसीसीआय IPLच्या १३व्या हंगामासाठी नवा प्रायोजक शोधण्यास सुरुवात केली आहे. जाणून घेऊयात कोणत्या कंपन्या आहेत स्पर्धेत...
आयपीएलचा हंगाम आणि भारतात सण आणि उत्सवांचा कालावधी जवळ येत आहे. त्यामुळे इ-कॉमर्समधील आघाडीची अमेझॉन कंपनी IPLच्याय प्रायोजकत्वासाठी आघाडीवर असल्याचे मानले जाते.
भारतीय संघाच्या जर्सीचे प्रायोजक असलेले लर्निंग अॅप बायजूज देखील IPLच्या प्रायोजकत्व मिळवण्यासाठीच्या स्पर्धेत आघाडीवर आहे. या वर्षी आंतरराष्ट्रीय सामने कमी झाल्यामुळे बायजूजचे बरेच नुकसान झाले आहे.
अमेझॉन आणि बायजूज बरोबर IPLच्या प्रायोजकत्वासाठी स्पर्धेत असलेले तिसरे नाव म्हणजे ड्रीम ११ होय.
बाजारातील सूत्रांनी दिलेल्या माहितीनुसार विवोच्या माघारीनंतर आता रिप्लेसमेंट म्हणून येणारी कंपनीकडून विवो इतके मूल्य मिळणार नाही. विवो एका वर्षासाठी ४४० कोटी रुपये देत होते. आता येणाऱ्या कंपन्या १८० कोटी पर्यंत रक्कम देऊ शकेल.
बायजूजची प्रतिस्पर्धी असलेली Unacademy देखील मोठ्या कालावधीपासून आयपीएलशी जोडण्याचा प्रयत्न करत आहे. करोनाच्या आधीपासून Unacademyचे प्रयत्न सुरू आहेत.
त्याच बरोबर MyCircle11 ही एक स्पोर्ट्स फॅटसी प्लॅटफॉम देखील आयपीएलच्या प्रायोजकत्वासाठी उत्सुक आहे. अर्थात त्याला बायजूज आणि ड्रीम ११ शी टक्कर द्यावी लागेल.
ड्रीम ११ आयपीएलचे अधिकृत पार्टनर आहे. जे प्रत्येक सीझनसाठी ४० कोटी रुपय देते. त्यामुळे ते प्रायोजकत्वासाठी मोठे दावेदार मानले जातात. कदाचित बीसीसीआय त्यांना अजून ४० कोटी रुपये देण्यास सांगू शकते आणि ते आयपीएलचे अधिकृत प्रायोजक होऊ शकतील.
जर ड्रीम ११ प्रायोजक झाले तर Unacademy ऑफिशल पार्टनर होऊ शकतील. किंवा बायजूज प्रायोजक झाले तर MyCircle11 ऑफिशल पार्टनर होऊ शकतात.
या सर्व कंपन्यांमध्ये सध्या अमेझॉन आघाडीवर असल्याचे मानले जाते. या दिग्गज कंपनीकडे अद्याप कोणत्याही क्रीडा स्पर्धेचे प्रायोजकत्व नाही. भारतात दसरा-दिवाळीच्या काळात आयपीएल ही एक मोठी संधी मानली जाते.