संतोष दळवी, कर्जत
‘मुंबई-पुणे एक्स्प्रेस वे’वरील खालापूर तालुक्यातील निंबोडे येथील पंपहाऊस जलसंपदा विभागाने गुरुवारी सील केल्याने आयआरबी आणि राज्य रस्ते विकास महामंडळच्या गोटात खळबळ उडाली आहे.
खालापूर तालुक्यातील पाताळगंगा नदीतून त्यांचा विनापरवाना पाणीउपसा सुरू होता. यासंदर्भात पाटबंधारे विभागाचे डेप्युटी इंजीनिअर पंकज दाभिरे यांनी ही कारवाई केली. पाटबंधारे विभागाने या कारवाईआधी आयआरबी आणि रस्ते विकास महामंडळाला कळवले होते. मात्र, त्याला कोणत्याही प्रकारचा प्रतिसाद न दिल्याने ही कारवाई झाली. एक्स्प्रेस वे सुरू झाल्यापासून पाणीउपशासाठी केवळ दोन वर्षांची परवानगी घेण्यात आली होती. त्यानंतर इतकी वर्षे विना परवानगी बिनबोभाट पाणीउपसा सुरू होता. त्यामुळे गुरुवारी सकाळी भरारी पथकाने ‘आयआरबी’चे डिझेल इंजिन जप्त केले.
तपास सुरू
हा पाणीउपसा कधीपासून आणि किती रुपयांचा आहे, याबाबत तपास सुरू आहे. वीज वितरण कंपनीने वीज मीटर कधी बसवला, त्याचा अहवाल मागवण्यात आला असून, त्या युनिटप्रमाणे उपसा किती झाला हे निश्चित करता येईल, असे पंकज दाभिरे यांनी सांगितले.
‘मुंबई-पुणे एक्स्प्रेस वे’वरील खालापूर तालुक्यातील निंबोडे येथील पंपहाऊस जलसंपदा विभागाने गुरुवारी सील केल्याने आयआरबी आणि राज्य रस्ते विकास महामंडळच्या गोटात खळबळ उडाली आहे.
खालापूर तालुक्यातील पाताळगंगा नदीतून त्यांचा विनापरवाना पाणीउपसा सुरू होता. यासंदर्भात पाटबंधारे विभागाचे डेप्युटी इंजीनिअर पंकज दाभिरे यांनी ही कारवाई केली. पाटबंधारे विभागाने या कारवाईआधी आयआरबी आणि रस्ते विकास महामंडळाला कळवले होते. मात्र, त्याला कोणत्याही प्रकारचा प्रतिसाद न दिल्याने ही कारवाई झाली. एक्स्प्रेस वे सुरू झाल्यापासून पाणीउपशासाठी केवळ दोन वर्षांची परवानगी घेण्यात आली होती. त्यानंतर इतकी वर्षे विना परवानगी बिनबोभाट पाणीउपसा सुरू होता. त्यामुळे गुरुवारी सकाळी भरारी पथकाने ‘आयआरबी’चे डिझेल इंजिन जप्त केले.
तपास सुरू
हा पाणीउपसा कधीपासून आणि किती रुपयांचा आहे, याबाबत तपास सुरू आहे. वीज वितरण कंपनीने वीज मीटर कधी बसवला, त्याचा अहवाल मागवण्यात आला असून, त्या युनिटप्रमाणे उपसा किती झाला हे निश्चित करता येईल, असे पंकज दाभिरे यांनी सांगितले.