साक्षीसाठी जय्यत तयारी

चंडीगड : रिओ ऑलिंपिकमध्ये ब्राँझपदक जिंकणारी भारताची कुस्तीपटू साक्षी मलिकचे बुधवारी हरियाणातील रोहतक जिल्ह्यामधील मोखरा खास या तिच्या गावी आगमन होणार असून तिच्या स्वागताची जय्यत तयारी करण्यात आली आहे. बुधवारी पहाटे ३.५० वाजता दिल्लीतील इंदिरा गांधी आंतरराष्ट्रीय विमानतळावर साक्षीचे आगमन होणार आहे.

या वेळी तिचे स्वागत करण्यासाठी हरियाणा सरकारमधील पाच मंत्री उपस्थित राहणार आहेत. रोहतक येथे तिचा सत्कार समारंभही आयोजित करण्यात आला असून त्यावेळी ३०,००० लोक उपस्थित राहतील, असा अंदाज आहे.