रसिकांसाठी संगीत मैफलींची मांदियाळी
म. टा. खास प्रतिनिधी, मुंबई
यंदा मुंबईमध्ये दिवाळी पहाट कार्यक्रमांची मोठी धूम आहे. यंदा आज, धनत्रयोदशीपासून भाऊबीजेपर्यंत १५ हून जास्त कार्यक्रम आयोजित केले जाणार आहेत. आतापर्यंत दिवाळी पहाट मैफली या सर्वसाधारणपणे दिवाळी पाडवा किंवा नरकचतुदर्शीला आयोजित केल्या जात असत. मात्र यंदा पाचही दिवस रसिकांची दिवाळी स्वरमयी होणार आहे.
मराठी रसिकांसाठी विविध नाट्यगृहांमध्ये तर यंदा दिवाळी पहाटेचे कार्यक्रम आयोजित करण्यात आले आहेतच, मात्र जोडीला उपनगरांमधील विविध हॉलमध्येसुद्धा या मैफली होत आहेत. यातील काही कार्यक्रमांना राजकीय किनारही आहे. रोजच्या धावपळीच्या जगण्यातून अशा कार्यक्रमांना आवर्जून उपस्थिती लावण्याची अनेक रसिकांची इच्छा असते. मात्र दोन दिवसांमधील कार्यक्रमांना उपस्थिती लावणे शक्य होतेच, असे नाही. त्यामुळे यंदा पाचही दिवस दिवाळी पहाट कार्यक्रम आयोजित करण्यात आल्याने रसिकांना विविध पर्याय उपलब्ध झाले आहेत. दिवाळी पहाटेप्रमाणेच दिवाळी संध्येचेही कार्यक्रम काही ठिकाणी या पाच दिवसांमध्ये रंगणार आहेत.
संगीत क्षेत्रातील कलाकारही यंदा दिवाळीचे सगळे दिवस रसिकांना गाण्यांचा आनंद देण्यासाठी सज्ज झाले आहेत. या कार्यक्रमांमध्ये भावगीते, सुगम संगीत याबरोबरच शास्त्रीय संगीताच्या कार्यक्रमांचाही समावेश आहे. केवळ ज्येष्ठ, श्रेष्ठ गायकच नाहीत तर युवा कलाकारही यंदा शास्त्रीय गायनाने दिवाळीला सुरांचा साज चढवण्यामध्ये आघाडीवर आहेत. ‘महाराष्ट्र टाइम्स’ मीडिया पार्टनर असलेल्या तीन कार्यक्रमांचाही यामध्ये समावेश आहे.
राहुल देशपांडे, शुचिस्मिता दास, पं. चंद्रकांत लिमये, आनंद भाटे, डॉ. सलील कुलकर्णी, अनुराधा मराठे, रंजना जोगळेकर आदी दिग्गज दिवाळी पहाट रंगवण्यासाठी सज्ज झाले आहेत. त्यामुळे फटाक्यांपेक्षा सुरांचे आवाज यंदाच्या दिवाळीत अधिक गुंजत राहतील, अशी अपेक्षा यंदाच्या दिवाळी पहाट कार्यक्रमांमुळे निर्माण झाली आहे.
यंदाही सोन्याचे आकर्षण
धनत्रयोदशीच्या निमित्ताने आज, शुक्रवारी मोठ्या प्रमाणावर सोनेखरेदी होईल, अशी खात्री यावर्षीही व्यक्त करण्यात येत आहे. ग्राहकांच्या दृष्टीने सोन्याचा भाव गेल्या काही दिवसांपासून उतरलेला असल्यामुळे सोनेखरेदीला उधाण येणार आहे.
सोन्याचा भाव गुरुवारी ५० रुपयांनी कमी होत १० ग्रॅमसाठी ३० हजार ६० रुपये होता. चांदीचा भाव किलोसाठी ४३ हजार ९० रुपये होता. प्रत्यक्ष सोने खरेदीचे आकर्षण यंदाही कायम राहणार असून दागिने, वळी, नाणी यांच्या स्वरूपात सोने खरेदी केले जाईल, असे सराफांनी सांगितले. अप्रत्यक्ष रूपात सोने खरेदीलाही यावर्षी चांगला प्रतिसाद मिळेल आणि लोक ईटीएफमध्ये गुंतवणूक करतील अशी आशा आहे. सरकारने विक्रीस काढलेल्या गोल्ड बाँडचाही चांगला पर्याय लोकांसमोर यंदाच्या दिवाळीत उपलब्ध आहे.
म. टा. खास प्रतिनिधी, मुंबई
यंदा मुंबईमध्ये दिवाळी पहाट कार्यक्रमांची मोठी धूम आहे. यंदा आज, धनत्रयोदशीपासून भाऊबीजेपर्यंत १५ हून जास्त कार्यक्रम आयोजित केले जाणार आहेत. आतापर्यंत दिवाळी पहाट मैफली या सर्वसाधारणपणे दिवाळी पाडवा किंवा नरकचतुदर्शीला आयोजित केल्या जात असत. मात्र यंदा पाचही दिवस रसिकांची दिवाळी स्वरमयी होणार आहे.
मराठी रसिकांसाठी विविध नाट्यगृहांमध्ये तर यंदा दिवाळी पहाटेचे कार्यक्रम आयोजित करण्यात आले आहेतच, मात्र जोडीला उपनगरांमधील विविध हॉलमध्येसुद्धा या मैफली होत आहेत. यातील काही कार्यक्रमांना राजकीय किनारही आहे. रोजच्या धावपळीच्या जगण्यातून अशा कार्यक्रमांना आवर्जून उपस्थिती लावण्याची अनेक रसिकांची इच्छा असते. मात्र दोन दिवसांमधील कार्यक्रमांना उपस्थिती लावणे शक्य होतेच, असे नाही. त्यामुळे यंदा पाचही दिवस दिवाळी पहाट कार्यक्रम आयोजित करण्यात आल्याने रसिकांना विविध पर्याय उपलब्ध झाले आहेत. दिवाळी पहाटेप्रमाणेच दिवाळी संध्येचेही कार्यक्रम काही ठिकाणी या पाच दिवसांमध्ये रंगणार आहेत.
संगीत क्षेत्रातील कलाकारही यंदा दिवाळीचे सगळे दिवस रसिकांना गाण्यांचा आनंद देण्यासाठी सज्ज झाले आहेत. या कार्यक्रमांमध्ये भावगीते, सुगम संगीत याबरोबरच शास्त्रीय संगीताच्या कार्यक्रमांचाही समावेश आहे. केवळ ज्येष्ठ, श्रेष्ठ गायकच नाहीत तर युवा कलाकारही यंदा शास्त्रीय गायनाने दिवाळीला सुरांचा साज चढवण्यामध्ये आघाडीवर आहेत. ‘महाराष्ट्र टाइम्स’ मीडिया पार्टनर असलेल्या तीन कार्यक्रमांचाही यामध्ये समावेश आहे.
राहुल देशपांडे, शुचिस्मिता दास, पं. चंद्रकांत लिमये, आनंद भाटे, डॉ. सलील कुलकर्णी, अनुराधा मराठे, रंजना जोगळेकर आदी दिग्गज दिवाळी पहाट रंगवण्यासाठी सज्ज झाले आहेत. त्यामुळे फटाक्यांपेक्षा सुरांचे आवाज यंदाच्या दिवाळीत अधिक गुंजत राहतील, अशी अपेक्षा यंदाच्या दिवाळी पहाट कार्यक्रमांमुळे निर्माण झाली आहे.
यंदाही सोन्याचे आकर्षण
धनत्रयोदशीच्या निमित्ताने आज, शुक्रवारी मोठ्या प्रमाणावर सोनेखरेदी होईल, अशी खात्री यावर्षीही व्यक्त करण्यात येत आहे. ग्राहकांच्या दृष्टीने सोन्याचा भाव गेल्या काही दिवसांपासून उतरलेला असल्यामुळे सोनेखरेदीला उधाण येणार आहे.
सोन्याचा भाव गुरुवारी ५० रुपयांनी कमी होत १० ग्रॅमसाठी ३० हजार ६० रुपये होता. चांदीचा भाव किलोसाठी ४३ हजार ९० रुपये होता. प्रत्यक्ष सोने खरेदीचे आकर्षण यंदाही कायम राहणार असून दागिने, वळी, नाणी यांच्या स्वरूपात सोने खरेदी केले जाईल, असे सराफांनी सांगितले. अप्रत्यक्ष रूपात सोने खरेदीलाही यावर्षी चांगला प्रतिसाद मिळेल आणि लोक ईटीएफमध्ये गुंतवणूक करतील अशी आशा आहे. सरकारने विक्रीस काढलेल्या गोल्ड बाँडचाही चांगला पर्याय लोकांसमोर यंदाच्या दिवाळीत उपलब्ध आहे.