विनय राऊळ, कॉलेज क्लब रिपोर्टर
घरची परिस्थिती तशी बेताची…अशा परिस्थितीत शिक्षण पूर्ण करायचं असेल तर स्वतःच काहीतरी करणं भाग होतं. दिवाळीच्या दिवसांत वातावरण झगमगून टाकणाऱ्या कंदीलांनीच त्याला शिक्षणाची वाट दाखवली. वयाच्या आठव्या वर्षापासून कंदील बनवणारा तेजस धुरी या तरुणाची ही गोष्ट. सध्या तो डिप्लोमा इन इलेक्ट्रॉनिक्सच्या दुसऱ्या वर्षाला आहे. कंदीलविक्रीतून मिळणाऱ्या पैशांतून जिद्दीने तो शिक्षण पूर्ण करतोय.
माहीमला राहणाऱ्या तेजसच्या घरी त्याचे वडील कंदील बनवत असत. सध्या त्याचे आई-वडील दोघंही गावी असतात. आता तो स्वतः कंदील बनवण्याचं काम करतो. दिवाळी जवळ आली, की तो कंदीलासाठी लागणारं साहित्य घेऊन येतो. रात्री उशिरापर्यंत जागून कंदील बनवायचे आणि दिवसा त्याची विक्री करायची हे त्याचं काम. सध्या कॉलेजला सुट्टी असल्यानं कंदील बनवणं आणि ते विकणं यासाठी त्याला वेळ मिळतो. मालाडच्या कलाविद्यामंदिर इन्स्टिट्यूट ऑफ पॉलिटेक्निक या कॉलेजमध्ये तो शिकतो.
घरातच कंदील बनवले जात असल्याने आपणही त्याचा अनुभव घेऊन पाहू, असं म्हणत त्याने कंदील बनवायला सुरुवात केली. त्यानंतर गेली दहा वर्ष तो कंदील बनवत आहे. यंदा त्याने नेहमीपेक्षा जास्त म्हणजे तब्बल १ हजार ६०० कंदील बनवले आहेत. यातून होणाऱ्या कमाईतून घरखर्चाला हातभार तसंच शिक्षणासाठी त्याचा उपयोग होतो. तेजसची बहीण आणि आजी या कामात त्याला मदत करते. खूप शिकायचं, मोठं व्हायचं असं माझं स्वप्न आहे. त्यासाठीच माझे प्रयत्न सुरू आहेत, असं तो सांगतो.
घरची परिस्थिती तशी बेताची…अशा परिस्थितीत शिक्षण पूर्ण करायचं असेल तर स्वतःच काहीतरी करणं भाग होतं. दिवाळीच्या दिवसांत वातावरण झगमगून टाकणाऱ्या कंदीलांनीच त्याला शिक्षणाची वाट दाखवली. वयाच्या आठव्या वर्षापासून कंदील बनवणारा तेजस धुरी या तरुणाची ही गोष्ट. सध्या तो डिप्लोमा इन इलेक्ट्रॉनिक्सच्या दुसऱ्या वर्षाला आहे. कंदीलविक्रीतून मिळणाऱ्या पैशांतून जिद्दीने तो शिक्षण पूर्ण करतोय.
माहीमला राहणाऱ्या तेजसच्या घरी त्याचे वडील कंदील बनवत असत. सध्या त्याचे आई-वडील दोघंही गावी असतात. आता तो स्वतः कंदील बनवण्याचं काम करतो. दिवाळी जवळ आली, की तो कंदीलासाठी लागणारं साहित्य घेऊन येतो. रात्री उशिरापर्यंत जागून कंदील बनवायचे आणि दिवसा त्याची विक्री करायची हे त्याचं काम. सध्या कॉलेजला सुट्टी असल्यानं कंदील बनवणं आणि ते विकणं यासाठी त्याला वेळ मिळतो. मालाडच्या कलाविद्यामंदिर इन्स्टिट्यूट ऑफ पॉलिटेक्निक या कॉलेजमध्ये तो शिकतो.
घरातच कंदील बनवले जात असल्याने आपणही त्याचा अनुभव घेऊन पाहू, असं म्हणत त्याने कंदील बनवायला सुरुवात केली. त्यानंतर गेली दहा वर्ष तो कंदील बनवत आहे. यंदा त्याने नेहमीपेक्षा जास्त म्हणजे तब्बल १ हजार ६०० कंदील बनवले आहेत. यातून होणाऱ्या कमाईतून घरखर्चाला हातभार तसंच शिक्षणासाठी त्याचा उपयोग होतो. तेजसची बहीण आणि आजी या कामात त्याला मदत करते. खूप शिकायचं, मोठं व्हायचं असं माझं स्वप्न आहे. त्यासाठीच माझे प्रयत्न सुरू आहेत, असं तो सांगतो.