लाडू, चिवडा, करंजी, चकली या दिवाळीच्या फराळांवर ताव मारायला तुम्ही सज्ज झालाच असाल. आपल्या नेहमीच्या फराळाच्या पदार्थांपेक्षा थोडा हटके फराळ करायला तुम्हाल आवडेलच. अशा फराळाच्या भन्नाट रेसिपीज खास तुमच्यासाठी...
भाजके पोहे चिवडा
साहित्य - १/४ किलो भाजके पोहे, प्रत्येकी १ वाटी वाळवलेला कांदा, भाजलेले सुक्या खोबऱ्याचे काप आणि तळलेले शेंगदाणे, १/२ वाटी डाळ, साखर चवीनुसार, प्रत्येकी १/२ चमचा धणेपूड, जिरेपूड आणि आमचूर पावडर, १/४ चमचा गरम मसाला, १ चमचा चिलीफ्लेक्स, १ वाटी तेलाची फोडणी (मोहरी, हिंग, हळद, कढीपत्ता, तीळ)
कृती - एका बाऊलमध्ये वरील सर्व साहित्य एकत्र करुन घ्यावं. नंतर मंद आचेवर ८ ते १० मिनीटं गरम करुन हवाबंद डब्यात भरुन ठेवावं.
मिक्स धान्यांच्या चकल्या
साहित्य - प्रत्येकी १ वाटी हरभरे, तांदूळ, ज्वारी, बाजरी, मूग, मटकी, चवळी, मसूर, तूरडाळ, तीळ, तिखट, १ चमचा हळद, चवीनुसार मीठ, २ चमचे काळा मसाला, ४ चमचे ओवा
कृती - वरील सर्व धान्य भाजून एकत्र दळून घ्यावीत. त्यामध्ये १ वाटी गरम तेल, तीळ, लाल तिखट, हळद, मीठ, काळा मसाला आणि ओवा घालावा. नंतर त्या पीठात २-३ वाट्या उकळतं पाणी घालून पीठ मळून घ्यावं. त्याच्या चकल्या बनवून खरपूस तळून घ्याव्यात.
गव्हाच्या पीठाचे लाडू.
साहित्य - १ वाटी गव्हाचं पीठ, १/३ वाटी पिठीसाखर, १/३ वाटी तूप, ड्रायफ्रुट्सचे काप.
कृती - सर्वप्रथम पातळ बुडाच्या कढईमध्ये मंद आचेवर गव्हाचं पीठ १० ते १५ मिनिटं खरपूस भाजून घ्यावं. नंतर त्यामध्ये तूप घालून मिक्स करावं. पीठ कच्चं राहू देऊ नये. त्यामध्ये पिठीसाखर आणि ड्रायफ्रुट्सचे काप घालून मिश्रण गरम असतानाच लाडू वळून घ्यावेत. हे लाडू हवाबंद डब्यात किंवा फ्रीजमध्ये ठेवावेत.
मूगडाळीचे लाडू
साहित्य- १ वाटी धुतलेली मूगाची डाळ, भुरासाखर (१.५ वाटी साखर आणि १ वाटी पाण्याचा पाक करुन २ थेंब लिंबाचा रस, १ चमचा तूप घालून पाक बनवावा. हे मिक्सरमध्ये दळून वापरावं), १ वाटी तूप , १/२ वाटी काजूबदामाचे काप, १/२ चमचा वेलची पूड.
कृती- मूगाची डाळ ४ तास पाण्यात भिजवून ठेवून नंतर त्यातील पाणी काढून मिक्सरमध्ये बारीक करुन घ्यावं. कढईत तूप घालून हे पीठ भाजून घ्यावं. थंड झाल्यानंतर त्यात भुरासाखर आणि ड्रायफ्रुट्स घालून एकत्र करुन मिश्रणाचे गोल लाडू वळावेत.
तिरंगी करंज्या
साहित्य - दोन वाटी भाजलेली चणाडाळ, एक वाटी पिठीसाखर, १/२ वाटी किसलेलं सुकं खोबरं, २ चमचे भाजलेले पांढरे तीळ, मनुके, चारोळी, १ चमचा वेलची पूड, एक वाटी मैदा, ४ चमचे साखर, ७ चमचे तूप, ५ चमचे कॉर्नफ्लॉवर, आवश्यकतेनुसार दूध, खाण्याचा रंग (केशरी आणि हिरवा), मीठ
कृती - सर्वप्रथम चणाडाळ, सुकं खोबरं वेगवेगळे भाजून नंतर मिक्सरमध्ये बारीक करुन घ्यावं. एका बाऊलमध्ये हे मिश्रण, भाजलेले तीळ, पिठीसाखर, वेलची पूड, मनुके, चारोळी आणि सुकामेवा टाकून सारण एकत्र करुन घ्यावं. कढईमध्ये दोन मोठे चमचे तूप गरम करुन त्यामध्ये मैदा आणि रवा टाकून ढवळावं. नंतर दूध टाकून पीठ मळून घ्यावं. पीठाचे तीन समांतर भाग करुन घ्यावेत. एका भागात हिरवा आणि दुसऱ्यात केशरी रंगाचे २-३ थेंब टाकून पीठ पुन्हा मळावं. नंतर तिघांच्या तीन पोळ्या लाटून घ्याव्यात. कॉर्नफ्लॉवर पावडरमध्ये ४ चमचे तूप घालून घट्ट पेस्ट बनवून घ्यावी. सर्वप्रथम केशरी पोळी घेऊन तिच्यावर ही पेस्ट लावून पांढरी पोळी पुन्हा पेस्ट लावून हिरवी पोळी ठेवावी. नंतर त्याचा रोल करुन घ्यावा आणि चाकूने लहान समांतर गोळे करावेत. त्यावर तिरपा दाब देऊन पारी लाटावी आणि सारण भरुन करंज्या मध्यम आचेवर तळून घ्याव्यात.
भाजके पोहे चिवडा
साहित्य - १/४ किलो भाजके पोहे, प्रत्येकी १ वाटी वाळवलेला कांदा, भाजलेले सुक्या खोबऱ्याचे काप आणि तळलेले शेंगदाणे, १/२ वाटी डाळ, साखर चवीनुसार, प्रत्येकी १/२ चमचा धणेपूड, जिरेपूड आणि आमचूर पावडर, १/४ चमचा गरम मसाला, १ चमचा चिलीफ्लेक्स, १ वाटी तेलाची फोडणी (मोहरी, हिंग, हळद, कढीपत्ता, तीळ)
कृती - एका बाऊलमध्ये वरील सर्व साहित्य एकत्र करुन घ्यावं. नंतर मंद आचेवर ८ ते १० मिनीटं गरम करुन हवाबंद डब्यात भरुन ठेवावं.
मिक्स धान्यांच्या चकल्या
साहित्य - प्रत्येकी १ वाटी हरभरे, तांदूळ, ज्वारी, बाजरी, मूग, मटकी, चवळी, मसूर, तूरडाळ, तीळ, तिखट, १ चमचा हळद, चवीनुसार मीठ, २ चमचे काळा मसाला, ४ चमचे ओवा
कृती - वरील सर्व धान्य भाजून एकत्र दळून घ्यावीत. त्यामध्ये १ वाटी गरम तेल, तीळ, लाल तिखट, हळद, मीठ, काळा मसाला आणि ओवा घालावा. नंतर त्या पीठात २-३ वाट्या उकळतं पाणी घालून पीठ मळून घ्यावं. त्याच्या चकल्या बनवून खरपूस तळून घ्याव्यात.
गव्हाच्या पीठाचे लाडू.
साहित्य - १ वाटी गव्हाचं पीठ, १/३ वाटी पिठीसाखर, १/३ वाटी तूप, ड्रायफ्रुट्सचे काप.
कृती - सर्वप्रथम पातळ बुडाच्या कढईमध्ये मंद आचेवर गव्हाचं पीठ १० ते १५ मिनिटं खरपूस भाजून घ्यावं. नंतर त्यामध्ये तूप घालून मिक्स करावं. पीठ कच्चं राहू देऊ नये. त्यामध्ये पिठीसाखर आणि ड्रायफ्रुट्सचे काप घालून मिश्रण गरम असतानाच लाडू वळून घ्यावेत. हे लाडू हवाबंद डब्यात किंवा फ्रीजमध्ये ठेवावेत.
मूगडाळीचे लाडू
साहित्य- १ वाटी धुतलेली मूगाची डाळ, भुरासाखर (१.५ वाटी साखर आणि १ वाटी पाण्याचा पाक करुन २ थेंब लिंबाचा रस, १ चमचा तूप घालून पाक बनवावा. हे मिक्सरमध्ये दळून वापरावं), १ वाटी तूप , १/२ वाटी काजूबदामाचे काप, १/२ चमचा वेलची पूड.
कृती- मूगाची डाळ ४ तास पाण्यात भिजवून ठेवून नंतर त्यातील पाणी काढून मिक्सरमध्ये बारीक करुन घ्यावं. कढईत तूप घालून हे पीठ भाजून घ्यावं. थंड झाल्यानंतर त्यात भुरासाखर आणि ड्रायफ्रुट्स घालून एकत्र करुन मिश्रणाचे गोल लाडू वळावेत.
तिरंगी करंज्या
साहित्य - दोन वाटी भाजलेली चणाडाळ, एक वाटी पिठीसाखर, १/२ वाटी किसलेलं सुकं खोबरं, २ चमचे भाजलेले पांढरे तीळ, मनुके, चारोळी, १ चमचा वेलची पूड, एक वाटी मैदा, ४ चमचे साखर, ७ चमचे तूप, ५ चमचे कॉर्नफ्लॉवर, आवश्यकतेनुसार दूध, खाण्याचा रंग (केशरी आणि हिरवा), मीठ
कृती - सर्वप्रथम चणाडाळ, सुकं खोबरं वेगवेगळे भाजून नंतर मिक्सरमध्ये बारीक करुन घ्यावं. एका बाऊलमध्ये हे मिश्रण, भाजलेले तीळ, पिठीसाखर, वेलची पूड, मनुके, चारोळी आणि सुकामेवा टाकून सारण एकत्र करुन घ्यावं. कढईमध्ये दोन मोठे चमचे तूप गरम करुन त्यामध्ये मैदा आणि रवा टाकून ढवळावं. नंतर दूध टाकून पीठ मळून घ्यावं. पीठाचे तीन समांतर भाग करुन घ्यावेत. एका भागात हिरवा आणि दुसऱ्यात केशरी रंगाचे २-३ थेंब टाकून पीठ पुन्हा मळावं. नंतर तिघांच्या तीन पोळ्या लाटून घ्याव्यात. कॉर्नफ्लॉवर पावडरमध्ये ४ चमचे तूप घालून घट्ट पेस्ट बनवून घ्यावी. सर्वप्रथम केशरी पोळी घेऊन तिच्यावर ही पेस्ट लावून पांढरी पोळी पुन्हा पेस्ट लावून हिरवी पोळी ठेवावी. नंतर त्याचा रोल करुन घ्यावा आणि चाकूने लहान समांतर गोळे करावेत. त्यावर तिरपा दाब देऊन पारी लाटावी आणि सारण भरुन करंज्या मध्यम आचेवर तळून घ्याव्यात.