म. टा. प्रतिनिधी, पुणे
थंडगार हवेत मिसळलेले मधुर बासरीचे स्वर त्याच्या साथीला अंगावर शहारे आणणारे तबल्याचे बोल आणि अंतर्मुख करणारे पखवाज, असा त्रिवेणी संगम रविवारी जुळून आला. पं. हरिप्रसाद चौरसिया यांच्या मोहवून टाकणाऱ्या बन्सीला पं. विजय घाटे यांच्या तबलावादनाची आणि पं. भवानीशंकर यांच्या पखवाजची साथ मिळाली अन् रसिकांवर सूर-तालाची बरसात झाली.
शिवाजीराव भोसले प्रतिष्ठान आणि मटा कल्चर क्लब आयोजित भोसले एन्क्लेव्ह, भोसलेनगर येथे होत असलेल्या ‘सूर प्रभात’ महोत्सवाअंतर्गत ‘सूर-ताल’ या कार्यक्रमात पं. हरिप्रसाद चौरसिया, पं. विजय घाटे आणि प्रसिद्ध पखवाजवादक पं. भवानीशंकर यांनी भारतीय अभिजात शास्त्रीय संगीताचे विविध प्रकार सादर करत सूर-तालाचा अनोखा स्वराविष्कार रसिकांसमोर पेश केला. सूर आणि ताल या एकाच नाण्याच्या दोन बाजू, दोघेही एकमेकांशिवाय अपूर्णच हे या निमित्ताने या दिग्गजांच्या त्रयीने सिद्ध केले. त्यांनी सादर केलेल्या विविध रागदारींतील रचनांना उपस्थित प्रेक्षकांनी भरभरून दाद दिली. तबला आणि पखवाजाचे बोल जसे वाजत होते, तसे प्रेक्षकांमधील रसिक सुखावत होता. कोणी हात वर उंचावून दाद देत होते, तर कुणाचे पाय तालात थिरकत होते.
चौरसिया यांनी नटभैरव या रागाने मैफलीला सुरूवात केली. त्याला जोड तालात भवानी शंकर यांनी सुरेल साथसंगत केली. पं. विजय घाटे यांनी रूपक तालात चौरसिया यांना साथसंगत केली. त्यानंतर चौरसिया यांची बासरी आणि घाटे यांच्या तबल्याचा सवाल-जवाब सुरू झाला. द्रुत तीन तालातील या जुगलबंदीला रसिकांनी डोक्यावर घेतले. उत्तरोत्तर ही जुगलबंदी रंगत गेली. कार्यक्रमाच्या सांगतेला रसिकांच्या फर्माइशीनुसार चौरसिया यांनी पहाडी रागात भजन सादर केले. त्यांनी ‘ओम जय जगदीश हरे’ या प्रार्थनेने मैफलीचा शेवट केला.
पुणे ही सांस्कृतिक राजधानी आहे. भल्या पहाटे लांबून येऊन प्रेक्षक कलाकारांना पावती देतात. ही गोष्ट जगात कुठेही पाहायला मिळत नाही. पुढील वर्षीही याच ठिकाणी येऊन कार्यक्रम करायला आवडेल, अशा भावना या वेळी चौरसिया यांनी व्यक्त केल्या.
थंडगार हवेत मिसळलेले मधुर बासरीचे स्वर त्याच्या साथीला अंगावर शहारे आणणारे तबल्याचे बोल आणि अंतर्मुख करणारे पखवाज, असा त्रिवेणी संगम रविवारी जुळून आला. पं. हरिप्रसाद चौरसिया यांच्या मोहवून टाकणाऱ्या बन्सीला पं. विजय घाटे यांच्या तबलावादनाची आणि पं. भवानीशंकर यांच्या पखवाजची साथ मिळाली अन् रसिकांवर सूर-तालाची बरसात झाली.
शिवाजीराव भोसले प्रतिष्ठान आणि मटा कल्चर क्लब आयोजित भोसले एन्क्लेव्ह, भोसलेनगर येथे होत असलेल्या ‘सूर प्रभात’ महोत्सवाअंतर्गत ‘सूर-ताल’ या कार्यक्रमात पं. हरिप्रसाद चौरसिया, पं. विजय घाटे आणि प्रसिद्ध पखवाजवादक पं. भवानीशंकर यांनी भारतीय अभिजात शास्त्रीय संगीताचे विविध प्रकार सादर करत सूर-तालाचा अनोखा स्वराविष्कार रसिकांसमोर पेश केला. सूर आणि ताल या एकाच नाण्याच्या दोन बाजू, दोघेही एकमेकांशिवाय अपूर्णच हे या निमित्ताने या दिग्गजांच्या त्रयीने सिद्ध केले. त्यांनी सादर केलेल्या विविध रागदारींतील रचनांना उपस्थित प्रेक्षकांनी भरभरून दाद दिली. तबला आणि पखवाजाचे बोल जसे वाजत होते, तसे प्रेक्षकांमधील रसिक सुखावत होता. कोणी हात वर उंचावून दाद देत होते, तर कुणाचे पाय तालात थिरकत होते.
चौरसिया यांनी नटभैरव या रागाने मैफलीला सुरूवात केली. त्याला जोड तालात भवानी शंकर यांनी सुरेल साथसंगत केली. पं. विजय घाटे यांनी रूपक तालात चौरसिया यांना साथसंगत केली. त्यानंतर चौरसिया यांची बासरी आणि घाटे यांच्या तबल्याचा सवाल-जवाब सुरू झाला. द्रुत तीन तालातील या जुगलबंदीला रसिकांनी डोक्यावर घेतले. उत्तरोत्तर ही जुगलबंदी रंगत गेली. कार्यक्रमाच्या सांगतेला रसिकांच्या फर्माइशीनुसार चौरसिया यांनी पहाडी रागात भजन सादर केले. त्यांनी ‘ओम जय जगदीश हरे’ या प्रार्थनेने मैफलीचा शेवट केला.
पुणे ही सांस्कृतिक राजधानी आहे. भल्या पहाटे लांबून येऊन प्रेक्षक कलाकारांना पावती देतात. ही गोष्ट जगात कुठेही पाहायला मिळत नाही. पुढील वर्षीही याच ठिकाणी येऊन कार्यक्रम करायला आवडेल, अशा भावना या वेळी चौरसिया यांनी व्यक्त केल्या.