मुंबई : फक्त आंदोलन मागे घेऊन चालणार नाही. तर राणा दाम्पत्यांनी शिवसेना आणि पक्षप्रमुखांची जाहीर माफी मागावी. तरच आम्ही त्यांना रस्ता मोकळा करुन देऊ नाहीतर राणा दाम्पत्य घराबाहेरच कसे पडतात, तेच बघतो आम्ही....., अशी धमकीच युवासेनेचे वरुण सरदेसाई यांनी दिली आहे. मातोश्रीला आव्हान देणारा आणखी जन्माला यायचाय, तेव्हा इथून पुढे मातोश्रीवर जाण्याची हिम्मत करु नका, असा इशारही सरदेसाई यांनी राणा दाम्पत्यांना दिला. राणांच्या खारमधील घराच्या खाली शेकडो शिवसैनिक जमले आहेत. या शिवसैनिकांचं नेतृत्व युवानेते सरदेसाई करत आहेत. मुख्यमंत्री उद्धव ठाकरे यांचं निवासस्थान असलेल्या मातोश्रीवर हनुमान चालिसा पठण करण्याचा हट्ट सोडत पंतप्रधान नरेंद्र मोदी यांच्या मुंबई दौऱ्याला गालबोट लागू नये, म्हणून आपण आंदोलन मागे घेत असल्याचं रवी राणा यांनी जाहीर केलं. मुंबईतील खारच्या घरी पत्रकार परिषद घेऊन त्यांनी आंदोलन मागे घेत असल्याची घोषणा केली. राणांनी आंदोलन मागे घेतल्याचं कळताच शिवसैनिकांनी एकच जल्लोष केला. घाबरले, पळाले, बंटी बबलीचा टिकाव लागला नाही, अशा आक्रमक घोषणांनी राणांच्या घराचा परिसर शिवसैनिकांनी दणाणून सोडला.
माफी मागा नाहीतर घराबाहेर पाऊल टाकू देणार नाही
जोपर्यंत राणा दाम्पत्य शिवसेनेची, उद्धव ठाकरे यांची माफी मागत नाही तोपर्यंत आम्ही त्यांना घराच्या बाहेर पडू देणार नाही. त्यांनी शिवसेनेशी पंगा घेतलाच आहे आणि आता माघारही घेतली आहे, तर त्यांना आम्ही माफीशिवाय सोडणार नाही. माफी मागितल्यानंतरच त्यांना आम्ही रस्ता मोकळा करुन देऊ, असं वरुण सरदेसाई म्हणाले.
राणांच्या घराखाली शेकडो शिवसैनिक, पोलिसांचा मोठा फौजफाटा तैनात
राणा दाम्पत्याच्या खारमधील घराखाली शेकडो शिवसैनिक जमा झाले आहेत. पोलिसांचा मोठा फौजफाटाही तैनात करण्यात आला आहे. मोठ्या प्रमाणात शिवसैनिकांची गर्दी असल्याने पोलिस दलातील वरिष्ठ अधिकारीही राणांच्या घराखाली येऊन थांबले आहेत. वरिष्ठ अधिकारी तेथील सुरक्षेचा आढावा घेत आहेत. परंतु शिवसैनिकांचा प्रचंड जमाव असल्याने परिसरात गोंधळ उडाला आहे.
पहिल्यांदा वॉरंट दाखवा, कायदा आम्हालाही कळतो, राणा दाम्पत्याची आक्रमक भूमिका
राणा दाम्पत्याला घेऊन पोलिस स्टेशनला जाण्यासाठी वरिष्ठ अधिकारी आग्रही आहेत. पण पहिल्यांदा वॉरंट दाखवा, कायदा आम्हालाही कळतो, अशी आक्रमक भूमिका राणांनी घेतली आहे. त्यामुळे आंदोलन मागे घेऊनही सेना vS राणा यांच्यातला हायव्होल्टेज ड्रामा थांबवण्याचं नाव घेत नाहीये.
माफी मागा नाहीतर घराबाहेर पाऊल टाकू देणार नाही
जोपर्यंत राणा दाम्पत्य शिवसेनेची, उद्धव ठाकरे यांची माफी मागत नाही तोपर्यंत आम्ही त्यांना घराच्या बाहेर पडू देणार नाही. त्यांनी शिवसेनेशी पंगा घेतलाच आहे आणि आता माघारही घेतली आहे, तर त्यांना आम्ही माफीशिवाय सोडणार नाही. माफी मागितल्यानंतरच त्यांना आम्ही रस्ता मोकळा करुन देऊ, असं वरुण सरदेसाई म्हणाले.
राणांच्या घराखाली शेकडो शिवसैनिक, पोलिसांचा मोठा फौजफाटा तैनात
राणा दाम्पत्याच्या खारमधील घराखाली शेकडो शिवसैनिक जमा झाले आहेत. पोलिसांचा मोठा फौजफाटाही तैनात करण्यात आला आहे. मोठ्या प्रमाणात शिवसैनिकांची गर्दी असल्याने पोलिस दलातील वरिष्ठ अधिकारीही राणांच्या घराखाली येऊन थांबले आहेत. वरिष्ठ अधिकारी तेथील सुरक्षेचा आढावा घेत आहेत. परंतु शिवसैनिकांचा प्रचंड जमाव असल्याने परिसरात गोंधळ उडाला आहे.
पहिल्यांदा वॉरंट दाखवा, कायदा आम्हालाही कळतो, राणा दाम्पत्याची आक्रमक भूमिका
राणा दाम्पत्याला घेऊन पोलिस स्टेशनला जाण्यासाठी वरिष्ठ अधिकारी आग्रही आहेत. पण पहिल्यांदा वॉरंट दाखवा, कायदा आम्हालाही कळतो, अशी आक्रमक भूमिका राणांनी घेतली आहे. त्यामुळे आंदोलन मागे घेऊनही सेना vS राणा यांच्यातला हायव्होल्टेज ड्रामा थांबवण्याचं नाव घेत नाहीये.