तैपेई सिटी : भारताच्या अजय जयरामने चायनीज तैपेई बीडब्लूएफ वर्ल्ड टूर सुपर ३०० बॅडमिंटन स्पर्धेत बुधवारी विजयी सलामी दिली. अभिषेक येलिगर, श्रीकृष्णा प्रिया यांना मात्र पराभव पत्करावा लागला.
अजय जयरामने पुरुष एकेरीच्या सलामीच्या लढतीत जपानच्या हाशिरू शिमोनोविरुद्ध १८-२१, २१-१७, २१-९ असा संघर्षपूर्ण विजय मिळवला. ही लढत ५८ मिनिटे चालली. जागतिक क्रमवारीत ५८व्या स्थानावर असणाऱ्या अजय जयरामची दुसऱ्या फेरीत डेन्मार्कच्या किम ब्रूनविरुद्ध लढत होईल. किम जागतिक क्रमवारीत ७५व्या स्थानावर आहे. अजय जयरामने व्हिएतनाम ओपन आणि व्हाइट नाइट स्पर्धेच्या अंतिम फेरीत प्रवेश केला होता. त्यामुळे त्याच्याकडून या स्पर्धेतही चमकदार कामगिरीची अपेक्षा आहे. पाचव्या मानांकित डेन्मार्कच्या जॅन ओ जॉर्जेनसेनने अभिषेकवर २१-५, २१-६ अशी सहज मात केली. महिला एकेरीत श्रीकृष्णा प्रियालाही सलामीचा अडथळा पार करता आला नाही. चायनीज तैपेईच्या लिन यिंग चुनने श्रीकृष्णाचे आव्हान २३-२१, २२-२० असे परतवून लावले. यानंतर सातव्या मानांकित मलेशियाच्या सोनिया चीहने मुग्धा अग्रेयवर २१-११, २१-४ असा २३ मिनिटांत विजय मिळवला. दुहेरीत चौथ्या मानांकित ओंग यूव सिन-टेओ ए यि या मलेशियाच्या जोडीने भारताच्या तरुण कोणा आणि मलेशियाच्या लि खिम वाह जोडीचा २१-१३, २१-१० असा पराभव केला.
अजय जयरामने पुरुष एकेरीच्या सलामीच्या लढतीत जपानच्या हाशिरू शिमोनोविरुद्ध १८-२१, २१-१७, २१-९ असा संघर्षपूर्ण विजय मिळवला. ही लढत ५८ मिनिटे चालली. जागतिक क्रमवारीत ५८व्या स्थानावर असणाऱ्या अजय जयरामची दुसऱ्या फेरीत डेन्मार्कच्या किम ब्रूनविरुद्ध लढत होईल. किम जागतिक क्रमवारीत ७५व्या स्थानावर आहे. अजय जयरामने व्हिएतनाम ओपन आणि व्हाइट नाइट स्पर्धेच्या अंतिम फेरीत प्रवेश केला होता. त्यामुळे त्याच्याकडून या स्पर्धेतही चमकदार कामगिरीची अपेक्षा आहे. पाचव्या मानांकित डेन्मार्कच्या जॅन ओ जॉर्जेनसेनने अभिषेकवर २१-५, २१-६ अशी सहज मात केली. महिला एकेरीत श्रीकृष्णा प्रियालाही सलामीचा अडथळा पार करता आला नाही. चायनीज तैपेईच्या लिन यिंग चुनने श्रीकृष्णाचे आव्हान २३-२१, २२-२० असे परतवून लावले. यानंतर सातव्या मानांकित मलेशियाच्या सोनिया चीहने मुग्धा अग्रेयवर २१-११, २१-४ असा २३ मिनिटांत विजय मिळवला. दुहेरीत चौथ्या मानांकित ओंग यूव सिन-टेओ ए यि या मलेशियाच्या जोडीने भारताच्या तरुण कोणा आणि मलेशियाच्या लि खिम वाह जोडीचा २१-१३, २१-१० असा पराभव केला.