मुंबई : 'करोना प्रादुर्भावामुळे पुकारलेल्या लॉकडाउनमुळे ओढावलेल्या आर्थिक संकटाचा सर्वाधिक फटका प्रशिक्षक आणि सपोर्ट स्टाफला बसला आहे. गेल्या तीन महिन्यांपासून या वर्गाला अक्षरशः उत्पन्नच मिळालेले नाही. जे दुर्दैवी आहे,' असे राष्ट्रीय बॅडमिंटन प्रशिक्षक पी. गोपीचंद यांनी सांगितले.
ते म्हणाले, 'प्रशिक्षक आणि सपोर्ट स्टाफ हे खेळाडूंना घडवण्यात सर्वात महत्त्वाची भूमिका बजावत असतात. त्यांच्याशिवाय खेळाडूंची वाटचाल अपूर्ण असते. हा वर्ग सध्या संघर्ष करतो आहे. असे प्रशिक्षक आणि सपोर्ट स्टाफसाठी आम्ही आर्थिक मदत उभी करण्याच्या आशेने एकत्र आलो आहोत.'