सिंगापूर ओपनमध्येभारताचे ‘पॅकअप’

सिंगापूर :

भारतीय खेळाडूंचे सिंगापूर ओपन बॅडमिंटन स्पर्धेतील आव्हान गुरुवारी संपुष्टात आले. यात महिला एकेरीत सिंगापूरच्या युलिया योसेफिन सुसांतोने रितूपर्णा दासवर १५-२१, २१-१३, २१-१६ अशी मात केली, तर पाचव्या मानांकित सायाका ताकाहाशीने ऋत्विका शिवानी गड्डेवर २१-८, २१-१५ असा सहज विजय मिळवला.
पुरुष एकेरीत अग्रमानांकित चोयू टिएन चेनने शुभंकर डेवर २१-१३, २१-१४ असा विजय मिळवला. यानंतर सौरभ वर्माचाही संघर्ष अपूर्ण ठरला. व्हिएतनामच्या टिएन मिन्ह न्गूयेनने सौरभचे आव्हान १८-२१, २१-१५, २१-११ असे परतवून लावले. पुरुष दुहेरीत चीनच्या शुअँयी-रेन जोडीने सात्विकसाईराज-चिराग शेट्टी जोडीला २१-१७, २१-१८ असे नमविले. मिश्र दुहेरीत सातव्या मानांकित ली - चायू जोडीने सात्विकसाईराज- अश्विनी पोनप्पा जोडीवर २१-१४, १६-२१, २१-१४ अशी, तर हाँगकाँगच्या चँग टॅक चिंग-न्ग विंग यंग जोडीने प्रणव चोप्रा-एन. सिक्की रेड्डी जोडीवर २१-१५, २१-११ अशी मात केली.