नागपूर : नागपूरची आंतरराष्ट्रीय बॅडमिंटनपटू मालविका बन्सोडची बल्गेरिया येथे होणाऱ्या बल्गेरियन ज्युनियर इंटरनॅशनल चॅलेंज चॅम्पियनशिप बॅडमिंटन स्पर्धेसाठी भारतीय संघात निवड झाली आहे. बल्गेरियन बॅडमिंटन फेडरेशनच्यावतीने या स्पर्धेचे आयोजन करण्यात आले आहे. ८ ते ११ ऑगस्टदरम्यान स्पर्धा खेळवण्यात येईल. यंदाच्या बॅडमिंटन हंगामात मालविकाने विविध स्पर्धांमध्ये केलेल्या उत्कृष्ट कामगिरीच्या आधारावरच तिची या स्पर्धेकरता निवड करण्यात आली आहे. चीन येथे झालेल्या एशियन ज्युनिअर बॅडमिंटन अजिंक्यपद स्पर्धेसाठी खेळण्यास गेलेल्या ज्युनिअर भारतीय संघातून या स्पर्धेसाठी निवडण्यात आलेल्या भारतीय संघात स्थान मिळवण्यात केवळ मालविकाच यशस्वी ठरली आहे. १९ वर्षांखालील गटात मालविकाची लढत क्रोएशियाच्या इवा सुलिक हिच्यासोबत होईल.
मालविका बन्सोड भारतीय संघात
नागपूरची आंतरराष्ट्रीय बॅडमिंटनपटू मालविका बन्सोडची बल्गेरिया येथे होणाऱ्या बल्गेरियन ज्युनियर इंटरनॅशनल चॅलेंज चॅम्पियनशिप बॅडमिंटन स्पर्धेसाठी ...
महाराष्ट्र टाइम्स.कॉम 7 Aug 2019, 4:00 am