लखनऊः भारताच्या सौरभ वर्माला सईद मोदी आंतरराष्ट्रीय बॅडमिंटन स्पर्धेत उपविजेतेपदावर समाधान मानावे लागले. पुरुष एकेरीच्या अंतिम लढतीत चायनीज तैपईच्या वांग त्झू वेइने सौरभवर २१-१५, २१-१७ अशी मात केली आणि जेतेपद पटकावले. जागतिक क्रमवारीत वांग २२व्या, तर सौरभ ३६व्या क्रमांकावर आहे. यापूर्वी, हे दोघे दोनदा आमनेसामने आले होते. त्यात दोघांनीही प्रत्येकी एकदा बाजी मारली होती. महिला एकेरीत स्पेनच्या कॅरोलिना मरीनने बाजी मारली. अंतिम लढतीत कॅरोलिनाने थायलंडच्या पिट्टायापोर्न चाइवानवर २१-१२, २१-१६ अशी मात केली. जागतिक क्रमवारीत कॅरोलिना १८व्या, तर चाइवान ४०व्या क्रमांकावर आहे.
सौरभ उपविजेता
लखनऊः भारताच्या सौरभ वर्माला सईद मोदी आंतरराष्ट्रीय बॅडमिंटन स्पर्धेत उपविजेतेपदावर समाधान मानावे लागले...
महाराष्ट्र टाइम्स.कॉम 2 Dec 2019, 4:00 am