साईप्रणीत, प्रणॉयची झुंज अपयशी; सात्त्विक-अश्विनीचा पराभव
वृत्तसंस्था, जकार्ता
भारताच्या पीव्ही सिंधू, किदाम्बी श्रीकांत यांनी इंडोनेशिया ओपन बॅडमिंटन स्पर्धेत विजयी सलामी दिली. साईप्रणीत, एचएस प्रणॉय यांची झुंज मात्र अपयशी ठरली. महिला एकेरीच्या सलामीला पाचव्या सीडेड सिंधूने जपानच्या अया ओहोरीला ११-२१, २१-१५, २१-१५ असे पराभूत केले. ही लढत जवळपास एक तास चालली. जागतिक बॅडमिंटन रँकिंगमधील पाचव्या स्थानावरील सिंधूचा हा अयावरील सलग सातवा विजय ठरला. जागतिक बॅडमिंटन फेडरेशनच्या व्यग्र वेळापत्रकानंतर सिंधूला एका महिन्याची विश्रांती मिळाली होती. यानंतर इंडोनेशिया ओपनमध्ये ती कशी कामगिरी करते, याकडे साऱ्यांचे लक्ष लागले होते.
पहिल्या गेममध्ये सिंधूला सूर गवसायला उशीर लागला. अयाने सलग पाच गुण घेत आक्रमक सुरुवात केली. यानंतर सिंधूला तिला ६-७ असे गाठण्याचा प्रयत्न केला. यानंतर अयाने ब्रेकला ११-७ अशी आघाडी घेतली होती. ब्रेकनंतरही अयाने सिंधूला पुनरागमनाची संधी दिली नाही. तिने १५-१० अशी पाच गुणांची आघाडी मिळवली. यानंतर सलग तीन गुण घेत तिने आघाडी भक्कम केली. सिंधूने एक गुण घेतला आणि नंतर अयाने सलग तीन गुण घेत पहिली गेम जिंकली. दुसऱ्या गेममध्ये अयाने २-१ अशी आघाडी घेतली होती. यानंतर सिंधूने सलग पाच गुण घेत आघाडी मिळवली. ब्रेकला सिंधूने ११-६ अशी आघाडी राखली होती. अयाने पिछाडी भरून काढण्याचा प्रयत्न केला खरा; पण त्यात तिला यश आले नाही. सिंधूने ब्रेकनंतर १७-१३ अशी आघाडी घेतली होती. पुढे १९-१५ अशी आघाडीवर असताना सिंधूने सलग दोन गुण घेत दुसरी गेम जिंकली आणि लढतीत बरोबरी साधली. तिसऱ्या गेममध्ये सिंधूने नेटजवळ सुरेख खेळ केला. तिच्या बॉडी स्मॅशेससमोर अया हतबल झाली होती. यात काही रॅलिज चांगल्या रंगल्या. एक वेळ सिंधूकडे १०-४ अशी आघाडी घेतली होती. ब्रेकपूर्वी अयाने दोन गुण घेतले. ब्रेकला सिंधूकडे ११-६ अशी आघाडी होती. यानंतर सिंधूने अयाला फारशी संधी दिली नाही. सिंधूने काही गुण गमावले खरे; पण त्याचा निकालावर फारसा परिणाम झाला नाही. सिंधूने १६-९ अशी आघाडी मिळवली होती. यानंतर तिने आपली आघाडी २०-१२ अशी वाढवली. यानंतर अयाने तीन मॅच पॉइंट वाचविले. मात्र, पुढील गुण घेत सिंधूने गेमसह लढत जिंकून दुसरी फेरी गाठली. या फेरीत तिची लढत डेन्मार्कच्या मिया ब्लिछेल्डटशी होणार आहे.
आठव्या सीडेड श्रीकांतने जपानच्या केंटा निशिमोटोवर २१-१४, २१-१३ अशी मात केली. ही लढत ३८ मिनिटे चालली. श्रीकांतने सफाईदार खेळ केला. जागतिक रँकिंगमध्ये नवव्या क्रमांकावरील श्रीकांतचा हा दहाव्या क्रमांकावरील निशिमोटोवरील सहा लढतींतील पाचवा विजय ठरला. यानंतर हाँगकाँगच्या वांग विंग की व्हिन्सेंटने साईप्रणीतचे आव्हान २१-१५, १३-२१, २१-१० असे परतवून लावले. ही लढत ५५ मिनिटे चालली. वांगचा जागतिक क्रमवारीत २३व्या स्थानावरील साई प्रणीतवरील हा पाचव्या सामन्यातील तिसरा विजय ठरला. यानंतर प्रणॉयने दुसऱ्या मानांकित शि यु क्विला चांगली लढत दिली. मात्र, निर्णायक क्षणी शि यु क्विने आपला खेळ उंचावून बाजी मारली. शि यु क्विने प्रणॉयवर १९-२१, २१-१८, २२-२० असा विजय मिळवला. प्रणॉयने निर्णायक गेममध्ये दोन मॅच पॉइंट वाचवून २०-२० अशी बरोबरी साधली होती. मात्र, पुढील दोन गुण घेत शि यु क्विने बाजी मारली. ही लढत एक तास अकरा मिनिटे चालली.
...........
मिश्रमध्ये सात्त्विक-अश्विनीचा पराभव
मिश्र दुहेरीच्या सलामीच्या लढतीत सात्त्विकसाईराज रांकीरेड्डी-अश्विनी पोनप्पा जोडीला पराभवाचा सामना करावा लागला. इंडोनेशियाच्या टोन्टोवी अहमद-विन्नी ओक्ताविना कान्डोव जोडीने सात्त्विक-अश्विनी जोडीवर २१-१३, २१-११ असा विजय मिळवला.
वृत्तसंस्था, जकार्ता
भारताच्या पीव्ही सिंधू, किदाम्बी श्रीकांत यांनी इंडोनेशिया ओपन बॅडमिंटन स्पर्धेत विजयी सलामी दिली. साईप्रणीत, एचएस प्रणॉय यांची झुंज मात्र अपयशी ठरली. महिला एकेरीच्या सलामीला पाचव्या सीडेड सिंधूने जपानच्या अया ओहोरीला ११-२१, २१-१५, २१-१५ असे पराभूत केले. ही लढत जवळपास एक तास चालली. जागतिक बॅडमिंटन रँकिंगमधील पाचव्या स्थानावरील सिंधूचा हा अयावरील सलग सातवा विजय ठरला. जागतिक बॅडमिंटन फेडरेशनच्या व्यग्र वेळापत्रकानंतर सिंधूला एका महिन्याची विश्रांती मिळाली होती. यानंतर इंडोनेशिया ओपनमध्ये ती कशी कामगिरी करते, याकडे साऱ्यांचे लक्ष लागले होते.
पहिल्या गेममध्ये सिंधूला सूर गवसायला उशीर लागला. अयाने सलग पाच गुण घेत आक्रमक सुरुवात केली. यानंतर सिंधूला तिला ६-७ असे गाठण्याचा प्रयत्न केला. यानंतर अयाने ब्रेकला ११-७ अशी आघाडी घेतली होती. ब्रेकनंतरही अयाने सिंधूला पुनरागमनाची संधी दिली नाही. तिने १५-१० अशी पाच गुणांची आघाडी मिळवली. यानंतर सलग तीन गुण घेत तिने आघाडी भक्कम केली. सिंधूने एक गुण घेतला आणि नंतर अयाने सलग तीन गुण घेत पहिली गेम जिंकली. दुसऱ्या गेममध्ये अयाने २-१ अशी आघाडी घेतली होती. यानंतर सिंधूने सलग पाच गुण घेत आघाडी मिळवली. ब्रेकला सिंधूने ११-६ अशी आघाडी राखली होती. अयाने पिछाडी भरून काढण्याचा प्रयत्न केला खरा; पण त्यात तिला यश आले नाही. सिंधूने ब्रेकनंतर १७-१३ अशी आघाडी घेतली होती. पुढे १९-१५ अशी आघाडीवर असताना सिंधूने सलग दोन गुण घेत दुसरी गेम जिंकली आणि लढतीत बरोबरी साधली. तिसऱ्या गेममध्ये सिंधूने नेटजवळ सुरेख खेळ केला. तिच्या बॉडी स्मॅशेससमोर अया हतबल झाली होती. यात काही रॅलिज चांगल्या रंगल्या. एक वेळ सिंधूकडे १०-४ अशी आघाडी घेतली होती. ब्रेकपूर्वी अयाने दोन गुण घेतले. ब्रेकला सिंधूकडे ११-६ अशी आघाडी होती. यानंतर सिंधूने अयाला फारशी संधी दिली नाही. सिंधूने काही गुण गमावले खरे; पण त्याचा निकालावर फारसा परिणाम झाला नाही. सिंधूने १६-९ अशी आघाडी मिळवली होती. यानंतर तिने आपली आघाडी २०-१२ अशी वाढवली. यानंतर अयाने तीन मॅच पॉइंट वाचविले. मात्र, पुढील गुण घेत सिंधूने गेमसह लढत जिंकून दुसरी फेरी गाठली. या फेरीत तिची लढत डेन्मार्कच्या मिया ब्लिछेल्डटशी होणार आहे.
आठव्या सीडेड श्रीकांतने जपानच्या केंटा निशिमोटोवर २१-१४, २१-१३ अशी मात केली. ही लढत ३८ मिनिटे चालली. श्रीकांतने सफाईदार खेळ केला. जागतिक रँकिंगमध्ये नवव्या क्रमांकावरील श्रीकांतचा हा दहाव्या क्रमांकावरील निशिमोटोवरील सहा लढतींतील पाचवा विजय ठरला. यानंतर हाँगकाँगच्या वांग विंग की व्हिन्सेंटने साईप्रणीतचे आव्हान २१-१५, १३-२१, २१-१० असे परतवून लावले. ही लढत ५५ मिनिटे चालली. वांगचा जागतिक क्रमवारीत २३व्या स्थानावरील साई प्रणीतवरील हा पाचव्या सामन्यातील तिसरा विजय ठरला. यानंतर प्रणॉयने दुसऱ्या मानांकित शि यु क्विला चांगली लढत दिली. मात्र, निर्णायक क्षणी शि यु क्विने आपला खेळ उंचावून बाजी मारली. शि यु क्विने प्रणॉयवर १९-२१, २१-१८, २२-२० असा विजय मिळवला. प्रणॉयने निर्णायक गेममध्ये दोन मॅच पॉइंट वाचवून २०-२० अशी बरोबरी साधली होती. मात्र, पुढील दोन गुण घेत शि यु क्विने बाजी मारली. ही लढत एक तास अकरा मिनिटे चालली.
...........
मिश्रमध्ये सात्त्विक-अश्विनीचा पराभव
मिश्र दुहेरीच्या सलामीच्या लढतीत सात्त्विकसाईराज रांकीरेड्डी-अश्विनी पोनप्पा जोडीला पराभवाचा सामना करावा लागला. इंडोनेशियाच्या टोन्टोवी अहमद-विन्नी ओक्ताविना कान्डोव जोडीने सात्त्विक-अश्विनी जोडीवर २१-१३, २१-११ असा विजय मिळवला.