ग्वाँझू : भारताच्या पी. व्ही. सिंधूने बीडब्लूएफ टूर फायनल बॅडमिंटन स्पर्धेत गटातील अखेरच्या लढतीत विजय मिळवला. या विजयाने तिने स्पर्धेचा निरोप घेतला. या आधीच्या दोन्ही लढतींत सिंधूला पराभव पत्करावा लागला होता. त्यामुळे अखेरच्या लढतीपूर्वीच गतविजेत्या सिंधूचे आव्हान संपुष्टात आले होते. सिंधूने शुक्रवारी चीनच्या हे बिंगजिओवर २१-१९, २१-१९ असा विजय मिळवला. ही लढत ४२ मिनिटे चालली. जागतिक क्रमवारीत बिंगजिओ सातव्या, तर सिंधू सहाव्या क्रमांकावर आहे. यापूर्वी या दोघी १४ वेळा आमनेसामने आल्या होत्या. त्यातील नऊ लढती बिंगजिओने जिंकल्या होत्या. मागील सलग चार लढतींत बिंगजिओने सिंधूला नमविले होते. ही पराभवाची मालिका सिंधूने खंडित केली.
सिंधूचा एकमेव विजय
भारताच्या पी व्ही सिंधूने बीडब्लूएफ टूर फायनल बॅडमिंटन स्पर्धेत गटातील अखेरच्या लढतीत विजय मिळवला या विजयाने तिने स्पर्धेचा निरोप घेतला...
महाराष्ट्र टाइम्स.कॉम 14 Dec 2019, 4:00 am