बँकॉक (थायलंड)
थायलंड ओपन विश्व टूर सुपर ५०० टूर्नामेंटच्या महिला एकेरीच्या फायनलमध्ये पी. व्ही. सिंधूला पराभवाचा सामना करावा लागला. जपानच्या नोजोमी ओकुहाराने सिंधूचा सरळ सेटमध्ये २१-१५, २१-१८ असा पराभव केला. ओकुहाराने सिंधूचा सहाव्यांदा पराभव केला.
पी. व्ही. सिंधूला पहिल्या सेटमध्ये साजेसा खेळ करता आला नाही. दुसऱ्या सेटमध्ये तिनं चांगला खेळण्याचा प्रयत्न केला. परंतु, तिला अखेर पराभवाचा सामना करावा लागला. सिंधू पहिल्यांदा या टूर्नामेंटच्या फायनलमध्ये पोहोचली होती. २०१२ साली ही टूर्नामेंट जिंकणाऱ्या सायना नेहवालच्या विक्रमाची बरोबरी साधण्याची संधी तिला होती. परंतु, यात तिला यश आले नाही. जागतिक क्रमवारीत ८ व्या स्थानावर असलेल्या ओकुहाराने पहिला सेट २१-१५ असा जिंकला. तर दुसरा सेट २१-१८ असा जिंकून थायलंड ओपनचे जेतेपद पटकावले. भारताच्या पी. व्ही. सिंधू आणि जपानच्या नोजोमी ओकुहारा यांच्यात आतापर्यंत ११ सामने झाले असून ५ सामन्यात सिंधूला विजय मिळवता आला आहे.
सेमीफायनलमध्ये सिंधूने इंडोनेशियाच्या ग्रेगोरिया मारिस्का तुनजुंगचा पराभव करीत फायनलमध्ये धडक मारली होती. तर सेमीफायनलमध्ये बेईवेन झांगचा २१-१७, २१-१० असा पराभव करून ओकुहारा फायनलमध्ये पोहोचली होती.
थायलंड ओपन विश्व टूर सुपर ५०० टूर्नामेंटच्या महिला एकेरीच्या फायनलमध्ये पी. व्ही. सिंधूला पराभवाचा सामना करावा लागला. जपानच्या नोजोमी ओकुहाराने सिंधूचा सरळ सेटमध्ये २१-१५, २१-१८ असा पराभव केला. ओकुहाराने सिंधूचा सहाव्यांदा पराभव केला.
पी. व्ही. सिंधूला पहिल्या सेटमध्ये साजेसा खेळ करता आला नाही. दुसऱ्या सेटमध्ये तिनं चांगला खेळण्याचा प्रयत्न केला. परंतु, तिला अखेर पराभवाचा सामना करावा लागला. सिंधू पहिल्यांदा या टूर्नामेंटच्या फायनलमध्ये पोहोचली होती. २०१२ साली ही टूर्नामेंट जिंकणाऱ्या सायना नेहवालच्या विक्रमाची बरोबरी साधण्याची संधी तिला होती. परंतु, यात तिला यश आले नाही. जागतिक क्रमवारीत ८ व्या स्थानावर असलेल्या ओकुहाराने पहिला सेट २१-१५ असा जिंकला. तर दुसरा सेट २१-१८ असा जिंकून थायलंड ओपनचे जेतेपद पटकावले. भारताच्या पी. व्ही. सिंधू आणि जपानच्या नोजोमी ओकुहारा यांच्यात आतापर्यंत ११ सामने झाले असून ५ सामन्यात सिंधूला विजय मिळवता आला आहे.
सेमीफायनलमध्ये सिंधूने इंडोनेशियाच्या ग्रेगोरिया मारिस्का तुनजुंगचा पराभव करीत फायनलमध्ये धडक मारली होती. तर सेमीफायनलमध्ये बेईवेन झांगचा २१-१७, २१-१० असा पराभव करून ओकुहारा फायनलमध्ये पोहोचली होती.