दोघींना मिळाले प्रत्येकी ७७ लाख रुपये
प्रीमियर बॅडमिंटन लीग
वृत्तसंस्था, नवी दिल्ली
वर्ल्ड चॅम्पियन पी. व्ही. सिंधूला प्रीमियर बॅडमिंटन लीगच्या (पीबीएल) पाचव्या मोसमासाठी हैदराबाद हंटर्स संघाने कायम राखले आहे. तिच्यासाठी हैदराबाद संघाने मंगळवारी झालेल्या लिलावात ७७ लाख रुपये किंमत मोजली आहे. जागतिक क्रमवारीत महिलांमध्ये अव्वल स्थानी असलेलेली चायनीज तैपेईची ताइ त्झू यिंगलाही ७७ लाख रुपये मिळाले आहेत. तिला गतविजेत्या बेंगळुरू राप्टर्सने आपल्या संघात सामावून घेतले आहे.
बी. साईप्रणीतला बेंगळुरू राप्टर्स संघाने ३२ लाख रुपयांत कायम राखले. पुरुष दुहेरीतील खेळाडू बी. सुमीत रेड्डीला (११ लाख) चेन्नई सुपरस्टार्स संघाने, तर चिराग शेट्टीला (१५.५० लाख) पुणे ७ एसेस संघाने कायम राखले. यानंतर जागतिक क्रमवारीत नवव्या स्थानावर असणाऱ्या अमेरिकेच्या बैवान झ्हँगला अवध वॉरियर्सने ३९ लाख रुपयांत कायम राखले आहे. राष्ट्रीय प्रशिक्षक पी. गोपीचंद यांची कन्या गायत्री गोपीचंदला चेन्नई सुपरस्टार्स संघाने, तर युवा खेळाडू अश्मिता छलिहाला नॉर्थ इस्टर्न वॉरियर्स संघाने तीन लाख रुपयांत खरेदी केले.
या स्पर्धेत अवध वॉरियर्स (लखनौ), बेंगळुरू राप्टर्स, मुंबई रॉकेट्स, हैदराबाद हंटर्स, चेन्नई सुपरस्टार्स, नॉर्थ इस्टर्न वॉरियर्स, पुणे ७ एसेस या सात संघांचा समावेश आहे. २१ दिवस चालणाऱ्या या स्पर्धेचे सामने बेंगळुरू, चेन्नई, हैदराबाद, लखनौत होणार आहेत. या स्पर्धेसाठी प्रत्येक संघाला २ कोटी रुपये खर्चाची मर्यादा घालण्यात आली होती. त्यातही एका खेळाडूवर ७७ लाख रुपयांपेक्षा अधिकची बोली लावता येणार नव्हती. प्रत्येक संघात किमान सहा परदेशी खेळाडू असणे बंधनकारक होते. एका संघात अकरा खेळाडू घ्यायचे आणि त्यातही तीन महिला खेळाडू असणे गरजेचे. प्रत्येक लढतीत पाच सामने खेळविले जातील.
- पी. व्ही. सिंधू (भारत)
हैदराबाद हंटर्स - ७७ लाख रुपये
- ताइ त्झू यिंग (चायनीत तैपेई)
बेंगळुरू राप्टर्स - ७७ लाख रुपये
- सात्त्विकसाईराज रांकिरेड्डी (भारत)
चेन्नई सुपरस्टार्स - ६२ लाख रुपये
- पारुपल्ली कश्यप (भारत)
मुंबई रॉकेट्स - ४३ लाख
बी. साईप्रणीत (भारत)
बेंगळुरू राप्टर्स - ३२ लाख रुपये
...
दृष्टिक्षेप...
- पीबीएल स्पर्धा २० जानेवारी ते ९ फेब्रुवारीदरम्यान होणार आहे.
- पीबीएलच्या पाचव्या मोसमातून ऑलिंपिक ब्राँझपदक विजेत्या साईना नेहवालसह किदाम्बी श्रीकांतने माघार घेतली आहे.
- दोघांनीही पुढील मोसमाच्या तयारीसाठी माघार घेतली असल्याचे सांगितले आहे.
- या लिलावात साईप्रणीतपासून लक्ष्य सेनपर्यंत १५४ खेळाडू सहभागी झाले होते.
- या स्पर्धेत एकूण ७४ भारतीय खेळाडू सहभागी होत आहेत.
..........
पुणे ७ एसेस संघ : थि थ्रांग वू (६ लाख), हेंद्रा सेतिवान (४० लाख), त्से तिंग सुत (३० लाख), ख्रिस अॅडकॉक (३२ लाख), कुहू गर्ग (१ लाख), मिथुन मंजूनाथ (१ लाख), कझुमासा सकाई (५ लाख), रितूपर्णा दास (८ लाख), लोह कीन येव (३६ लाख), एम. आर. अर्जुन (२ लाख), चिराग शेट्टी (१५.५ लाख).
...
एकूण
७ - स्पर्धेतील एकूण सहभागी संघ
४ - एकूण चार शहरांत या स्पर्धेचे सामने होतील.
१५४ - स्पर्धेत सहभागी एकूण खेळाडू
७४ - स्पर्धेतील भारतीय बॅडमिंटनपटू
८० - स्पर्धेतील एकूण परदेशी बॅडमिंटनपटू
११ - प्रत्येक संघात जास्तीत जास्त ११, तर कमीतकमी ९ खेळाडू
६ - स्पर्धेची एकूण बक्षीस रक्कम
............