नवी दिल्लीः अष्टपैलू हार्दिक पंड्याची आपल्याबरोबर तुलना करू नका, असे म्हणतानाच त्याने फलंदाजीमध्ये चमक दाखविली असून, गोलंदाजीतील कामगिरी सुधारावी, अशी अपेक्षा भारताचे अष्टपैलू क्रिकेटपटू कपिल देव यांनी बुधवारी व्यक्त केली. पंड्याने गोलंदाजीत सुधारणा करावी, अशी अपेक्षा व्यक्त करण्यात येते. त्यावर कपिल देव म्हणाले, 'त्याची तुलना करू नका, त्याला त्याचा खेळ करू द्या. त्याच्यामध्ये असामान्य क्षमता असून, त्याने माझ्यापेक्षा जास्त चांगली कामगिरी करून दाखवावी. त्याची फलंदाजीतील कामगिरी उजवी असून, त्याने गोलंदाजीमध्ये सुधारणा करून दाखवावी.' कसोटीमध्येही त्याची गोलंदाजी फारशी उल्लेखनीय नाही.
ऑस्ट्रेलियाबरोबरील सामन्यामध्ये शतक ठोकलेल्या शिखर धवनच्या अंगठ्याला दुखापत झाली आहे. त्याबद्दलही कपिल देव यांनी दु:ख व्यक्त केले. मात्र, त्याच्या जागेवर येणारा खेळाडूही चांगली कामगिरी करेल, असा विश्वास व्यक्त केला. ऑस्ट्रेलिया आणि दक्षिण आफ्रिकेविरुद्ध भारताने विजय मिळवल्यानंतर संघाची घोडदौड पुढील सामन्यांमध्येही कायम राहील, असा आशावाद त्यांनी व्यक्त केला.
ऑस्ट्रेलियाबरोबरील सामन्यामध्ये शतक ठोकलेल्या शिखर धवनच्या अंगठ्याला दुखापत झाली आहे. त्याबद्दलही कपिल देव यांनी दु:ख व्यक्त केले. मात्र, त्याच्या जागेवर येणारा खेळाडूही चांगली कामगिरी करेल, असा विश्वास व्यक्त केला. ऑस्ट्रेलिया आणि दक्षिण आफ्रिकेविरुद्ध भारताने विजय मिळवल्यानंतर संघाची घोडदौड पुढील सामन्यांमध्येही कायम राहील, असा आशावाद त्यांनी व्यक्त केला.