मटा ऑनलाइन वृत्त । मुंबई
आयपीएल म्हटले की फलंदाजांकडून केली जाणारी तुफान फटकेबाजी हे चित्र नेहमी पाहायला मिळते. २० षटकात चौकार आणि षटकारांचा पाऊस पडून जास्तीत जास्त धावा करण्याच्या या प्रकारात गोलंदाजांना चमकण्याची संधी तशी कमीच मिळते. शुक्रवारी मात्र आयपीएलमधील सामन्यांमध्ये गोलंदाजांनी हॅटट्रिकचा डबल धमाका केला.
आयपीएलमध्ये शुक्रवारी मुंबई इंडियन्सविरुद्ध झालेल्या सामन्यात रॉयल चॅलेंजर्स बेंगळुरच्या सॅम्युअल्स बद्रीने पहिली हॅटट्रिक घेतली. प्रथम फलंदाजी करत बेंगळुरूने मुंबईपुढे १४३ धावांचे आव्हान ठेवले होते. विजयाचे आव्हान फार मोठे नसले तरी मुंबईची सुरुवात खराबच झाली होती. दुसऱ्या षटकातच स्टुअर्ट बिन्नीने जॉस बटलर बाद करत पहिला धक्का दिला. त्यानंतर बद्रीने टाकलेले तिसरे षटक मुंबईसाठी घातक ठरले. त्याने एकापाठोपाठ एक असे तिघांना बाद करत मुंबईची अवस्था ४ बाद सात अशी केली. बद्रीने तिसऱ्या षटकातील दुसऱ्या चेंडूवर पार्थिव पटेलला बाद केले. नंतर तिसऱ्या आणि चौथ्या चेंडूवर अनुक्रमे मिचेल मॅकक्लॅनेघन आणि कर्णधार रोहित शर्मा यांना शुन्यावर बाद करत हॅटट्रिक केली. बेंगळुरूकडून हॅटट्रिक घेणारा बद्री हा दुसरा फलंदाज ठरला आहे. याआधी २०१०मध्ये प्रविण कुमार याने अशी कामगिरी केली होती.
अर्थात बद्रीच्या कामगिरीचा संघाला फायदा उठवता आला नाही. त्यानंतर केरॉन पोलार्डने केलेल्या तुफान फलंदाजीमुळे मुंबईने ४ गडी आणि सात चेंडू राखून विजय मिळवला.
आयपीएलमधील दुसरी हॅटट्रिक गुजरात लायन्स विरुद्ध रायझिंग पुणे सुपरजाएंट्स सामन्यात झाली. नाणेफेक जिंकून गुजरातने गोलंदाजी करण्याचा निर्णय घेतला. पुण्याच्या फलंदाजांनी चांगली धावसंख्या उभारली देखील. २०व्या षटकात गुजरातच्या अँड्र्यू टायने पहिल्या चेंडूवर अंकित शर्माला बाद केले. त्यानंतर दुसऱ्या आणि तिसऱ्या चेंडूवर त्याने मनोज तिवारी आणि शार्दुल ठाकुर यांना बाद करत हॅटट्रिक साजरी केली. टायने या सामन्यात हॅटट्रिकसह ५ गडी बाद केले.
आयपीएलच्या इतिहासात एकाच दिवशी दोन हॅटट्रिक होण्याची ही पहिलीच वेळ आहे. तसेच दोन्ही गोलंदाजांनी या मोसमातील पहिलाच सामना खेळत असताना अशी कामगिरी केली आहे.
आयपीएल म्हटले की फलंदाजांकडून केली जाणारी तुफान फटकेबाजी हे चित्र नेहमी पाहायला मिळते. २० षटकात चौकार आणि षटकारांचा पाऊस पडून जास्तीत जास्त धावा करण्याच्या या प्रकारात गोलंदाजांना चमकण्याची संधी तशी कमीच मिळते. शुक्रवारी मात्र आयपीएलमधील सामन्यांमध्ये गोलंदाजांनी हॅटट्रिकचा डबल धमाका केला.
आयपीएलमध्ये शुक्रवारी मुंबई इंडियन्सविरुद्ध झालेल्या सामन्यात रॉयल चॅलेंजर्स बेंगळुरच्या सॅम्युअल्स बद्रीने पहिली हॅटट्रिक घेतली. प्रथम फलंदाजी करत बेंगळुरूने मुंबईपुढे १४३ धावांचे आव्हान ठेवले होते. विजयाचे आव्हान फार मोठे नसले तरी मुंबईची सुरुवात खराबच झाली होती. दुसऱ्या षटकातच स्टुअर्ट बिन्नीने जॉस बटलर बाद करत पहिला धक्का दिला. त्यानंतर बद्रीने टाकलेले तिसरे षटक मुंबईसाठी घातक ठरले. त्याने एकापाठोपाठ एक असे तिघांना बाद करत मुंबईची अवस्था ४ बाद सात अशी केली. बद्रीने तिसऱ्या षटकातील दुसऱ्या चेंडूवर पार्थिव पटेलला बाद केले. नंतर तिसऱ्या आणि चौथ्या चेंडूवर अनुक्रमे मिचेल मॅकक्लॅनेघन आणि कर्णधार रोहित शर्मा यांना शुन्यावर बाद करत हॅटट्रिक केली. बेंगळुरूकडून हॅटट्रिक घेणारा बद्री हा दुसरा फलंदाज ठरला आहे. याआधी २०१०मध्ये प्रविण कुमार याने अशी कामगिरी केली होती.
अर्थात बद्रीच्या कामगिरीचा संघाला फायदा उठवता आला नाही. त्यानंतर केरॉन पोलार्डने केलेल्या तुफान फलंदाजीमुळे मुंबईने ४ गडी आणि सात चेंडू राखून विजय मिळवला.
आयपीएलमधील दुसरी हॅटट्रिक गुजरात लायन्स विरुद्ध रायझिंग पुणे सुपरजाएंट्स सामन्यात झाली. नाणेफेक जिंकून गुजरातने गोलंदाजी करण्याचा निर्णय घेतला. पुण्याच्या फलंदाजांनी चांगली धावसंख्या उभारली देखील. २०व्या षटकात गुजरातच्या अँड्र्यू टायने पहिल्या चेंडूवर अंकित शर्माला बाद केले. त्यानंतर दुसऱ्या आणि तिसऱ्या चेंडूवर त्याने मनोज तिवारी आणि शार्दुल ठाकुर यांना बाद करत हॅटट्रिक साजरी केली. टायने या सामन्यात हॅटट्रिकसह ५ गडी बाद केले.
आयपीएलच्या इतिहासात एकाच दिवशी दोन हॅटट्रिक होण्याची ही पहिलीच वेळ आहे. तसेच दोन्ही गोलंदाजांनी या मोसमातील पहिलाच सामना खेळत असताना अशी कामगिरी केली आहे.