नवी दिल्ली:
दिल्ली कसोटीत तिसऱ्या दिवसअखेर श्रीलंकेने ९ बाद ३५६ धावा केल्या असून श्रीलंका अजूनही १८० धावांनी पिछाडीवर आहे. श्रीलंकेचा कर्णधार दिनेश चंडिमलने नाबाद १४७ धावांची चिवट खेळी केली असून उद्या श्रीलंकेचा शेवटचा गडी झटपट बाद करून पाहुण्यांपुढे विजयासाठी मोठे लक्ष्य ठेवण्याची भारताला संधी आहे.
भारताने दुसऱ्या दिवशी ७ बाद ५३६ धावांवर डाव घोषित केल्यानंतर श्रीलंकेने काल ३ बाद १३१ धावा केल्या होत्या. त्यानंतर आज सकाळच्या सत्रात श्रीलंकेचे वर्चस्व पाहायला मिळाले. अनुभवी अँजेलो मॅथ्यूज (१११) आणि कर्णधार चंडीमलने श्रीलंकेचा डाव सावरला. दोघांनी ठोकलेल्या शतकांच्या जोरावर श्रीलंकेने दिवसअखेर ९ गड्यांच्या मोबदल्यात ३५६ धावांपर्यंत मजल मारली. श्रीलंकेच्या संथ आणि सावध फलंदाजीमुळे तिसऱ्या दिवसाचा खेळ मात्र रटाळवाणा ठरला.
भारताकडून रविचंद्रन अश्विनने ३ गडी तर मोहम्मद शमी, इशांत शर्मा आणि रविंद्र जाडेजा यांनी प्रत्येकी २ बळी टिपले.
दरम्यान, अंधूक प्रकाशामुळे निर्धारित वेळेआधी खेळ थांबवावा लागला.
भारत वि. श्रीलंका कसोटीचे संपूर्ण स्कोअरकार्ड
दिल्ली कसोटीत तिसऱ्या दिवसअखेर श्रीलंकेने ९ बाद ३५६ धावा केल्या असून श्रीलंका अजूनही १८० धावांनी पिछाडीवर आहे. श्रीलंकेचा कर्णधार दिनेश चंडिमलने नाबाद १४७ धावांची चिवट खेळी केली असून उद्या श्रीलंकेचा शेवटचा गडी झटपट बाद करून पाहुण्यांपुढे विजयासाठी मोठे लक्ष्य ठेवण्याची भारताला संधी आहे.
भारताने दुसऱ्या दिवशी ७ बाद ५३६ धावांवर डाव घोषित केल्यानंतर श्रीलंकेने काल ३ बाद १३१ धावा केल्या होत्या. त्यानंतर आज सकाळच्या सत्रात श्रीलंकेचे वर्चस्व पाहायला मिळाले. अनुभवी अँजेलो मॅथ्यूज (१११) आणि कर्णधार चंडीमलने श्रीलंकेचा डाव सावरला. दोघांनी ठोकलेल्या शतकांच्या जोरावर श्रीलंकेने दिवसअखेर ९ गड्यांच्या मोबदल्यात ३५६ धावांपर्यंत मजल मारली. श्रीलंकेच्या संथ आणि सावध फलंदाजीमुळे तिसऱ्या दिवसाचा खेळ मात्र रटाळवाणा ठरला.
भारताकडून रविचंद्रन अश्विनने ३ गडी तर मोहम्मद शमी, इशांत शर्मा आणि रविंद्र जाडेजा यांनी प्रत्येकी २ बळी टिपले.
दरम्यान, अंधूक प्रकाशामुळे निर्धारित वेळेआधी खेळ थांबवावा लागला.
भारत वि. श्रीलंका कसोटीचे संपूर्ण स्कोअरकार्ड