वृत्तसंस्था, नवी दिल्ली
दिल्लीतील धुक्याचा श्रीलंकेच्या क्रिकेटपटूंना त्रास झाला असला, तरी त्याहीपेक्षा जास्त त्रास श्रीलंकेच्या गोलंदाजांना भारताचा कर्णधार विराट कोहलीने दिला आहे. त्याच्या शानदार द्विशतकाच्या जोरावर भारताने तिसऱ्या कसोटी क्रिकेट सामन्यात श्रीलंकेविरुद्ध पहिला डाव ७ बाद ५३६ धावांवर घोषित केला. यानंतर श्रीलंकेने दुसऱ्या दिवसअखेर ३ बाद १३१ धावा केल्या. श्रीलंका संघ अद्याप ४०६ धावांनी पिछाडीवर आहे.
फिरोझशहा कोटला मैदानावर ही तिसरी कसोटी लढत सुरू आहे. या मालिकेत विराट कोहलीने श्रीलंकेच्या गोलंदाजांना रडकुंडीला आणले आहे. कोहलीच्या बॅटमधून धावांचा ओघ काही संपायला तयार नाही. पहिल्या कसोटीत शतक, दुसऱ्या कसोटीत द्विशतक आणि तिसऱ्या कसोटीतही द्विशतक ठोकून कोहलीने श्रीलंकेच्या गोलंदाजांना गुडघे टेकायला लावले. पहिल्या दिवशी कोहलीने अनेक विक्रमांना गवसणी घातली. दुसऱ्या दिवशी त्याच्या द्विशतकामुळे या विक्रमांत आणखी भर पडली. पहिल्या दिवसअखेर भारताने ४ बाद ३७१ धावा केल्या होत्या. या वेळी कोहली १५६ धावांवर खेळत होता. कोहलीने पहिल्या दिवशी मुरली विजयसह श्रीलंकेच्या गोलंदाजांची कसोटी बघितली. दुसऱ्या दिवशी कोहलीने रोहित शर्माला साथीला घेतले. या जोडीने पाचव्या विकेटसाठी १३५ धावांची भागीदारी केली. श्रीलंकेच्या गोलंदाजांचा मारा पुन्हा एकदा सुमार दर्जाचा वाटला. त्यावर सहजतेने खेळत कोहलीने २३८ चेंडूंत आपले द्विशतक पूर्ण केले. फिरकी गोलंदाज संदाकनने रोहित शर्माला बाद करून ही जोडी फोडली. रोहितने १०२ चेंडूंत ७ चौकार व २ षटकारांसह ६५ धावा केल्या.
उपाहारानंतर रविचंद्रन अश्विन आणि विराट कोहली बाद झाले. कोहलीला संदाकनने पायचीत टिपले. कोहलीने २८७ चेंडूंत २५ चौकारांसह २४३ धावांची खेळी केली. श्रीलंकेच्या संघाचे रडगाणे बघून अखेर कोहलीने डाव घोषित केला. प्रदूर्षणाच्या कारणास्तव जवळपास २६ मिनिटांचा खेळ वाया गेला. भारताने डाव घोषित केला तेव्हा वृद्धिमन साहा ९, तर रवींद्र जाडेजा ५ धावांवर मैदानावर होते.
श्रीलंकेच्या खेळाडूंना केवळ गोलंदाजी करताना त्रास होत होता; पण फलंदाजी करताना त्यांना कुठलाही त्रास झाला नाही, हे विशेष. मात्र, या कसोटीतही श्रीलंकेचे फलंदाज भारतीय गोलंदाजांविरुद्ध संघर्ष करताना दिसून आले. डावाच्या पहिल्याच चेंडूवर महंमद शमीने करुणरत्नेला माघारी पाठवले. यानंतर इशांत शर्माने डीसिल्वाला पायचीत टिपले. या वेळी श्रीलंकेच्या २ बाद १४ धावा झाल्या होत्या. यातून परेरा आणि मॅथ्यूजने श्रीलंकेला सावरले. या जोडीने अर्धशतकी भागीदारी केली. अखेर जडेजाने परेराला बाद करून ही जोडी फोडली. यासाठी परेराने रिव्ह्यू घेतला; पण त्याचा फायदा झाला नाही. श्रीलंकेच्या चौथ्या फलंदाजालाही बाद करण्याची भारताला संधी होती. मात्र, दुसऱ्या स्लीपमध्ये कोहलीने इशांत शर्माच्या गोलंदाजीवर अँजेलो मॅथ्यूजला जीवदान दिले. दिवसाचा खेळ थांबला तेव्हा मॅथ्यूज ११८ चेंडूंत ८ चौकार व २ षटकारांसह ५७, तर कर्णधार दिनेश चंडिमल ८१ चेंडूंत ३ चौकारांसह २५ धावांवर मैदानावर होता. त्यांनी चौथ्या विकेटसाठी ५६ धावांची अभेद्य भागीदारी केली आहे.
स्कोअरबोर्ड
भारत : पहिला डाव – (४ बाद ३७१ वरून पुढे) विराट कोहली पायचीत गो. संदाकन २४३, रोहित शर्मा झे. डिक्वेला गो. संदाकन ६५, आर. अश्विन झे. परेरा गो. गामगे ४, वृद्धिमन साहा नाबाद ९, रवींद्र जाडेजा नाबाद ५, अवांतर – ८, एकूण – १२७.५ षटकांत ७ बाद ५३६ (घोषित).
बाद क्रम : १-४२, २-७८, ३-३६१, ४-३६५, ५-५००, ६-५१९, ७-५२३.
गोलंदाजी : सुरंगा लकमल २१.२-२-८०-०, लाहिरू गामगे २५.३-७-९५-२, दिलरुवान परेरा ३१.१ -०-१४५-१, लक्षण संदाकन ३३.५-१-१६७-४, धनंजय डीसिल्वा १६-०-४८-०.
श्रीलंका : पहिला डाव – करुणरत्ने झे. साहा गो. शमी ०, परेरा पायचीत गो. जडेजा ४२, डीसिल्वा पायचीत गो. इशांत १, अँजेलो मॅथ्यूज खेळत आहे ५७, दिनेश चंडिमल खेळत आहे २५, अवांतर – ६, एकूण – ४४.३ षटकांत ३ बाद १३१.
बाद क्रम : १-०, २-१४, ३-७५.
गोलंदाजी : महम्मद शमी ११-३-३०-१, इशांत शर्मा १०-४-४४-१, रवींद्र जाडेजा १४.३-६-२४-१, आर. अश्विन ९-३-२८-०.
२
विराट कोहलीने सलग दुसरे द्विशतक ठोकले. अशी कामगिरी करणारा तो सहावा फलंदाज ठरला. यापूर्वी अशी कामगिरी हमंद (२५१, २२० आणि २२७, ३३६*), सर डॉन ब्रॅडमन (३०४, २४४), विनोद कांबळी (२२४, २२७), कुमार संगकारा (२००*, २२२*), क्लार्क (२५९*, २३०) यांनी केली आहे.
६
सर्वाधिक द्विशतके ठोकणाऱ्या कर्णधारांच्या यादीत कोहली अव्वल स्थानावर पोहोचला. त्याने सहा द्विशतके ठोकली असून, ब्रायन लाराला (५) मागे टाकले. डॉन ब्रॅडमन आणि ग्रॅमी स्मिथ यांनी प्रत्येकी चार द्विशतके ठोकली आहेत. कोहलीने कसोटीतील सहा द्विशतकांच्या बाबतीत सचिन तेंडुलकर आणि वीरेंद्र सेहवागशी बरोबरी साधली आहे.
२४५
कोहलीची २४५ ही कसोटीतील सर्वोच्च खेळी ठरली. त्याची यापूर्वीची सर्वोच्च खेळी २३५ (वि. इंग्लंड, २०१६) धावांची होती. कोटलावरील ही कसोटीतील वैयक्तिक सर्वोच्च खेळीही ठरली.
५६०
या मालिकेत कोहलीने ५६० धावा केल्या आहेत. तीन सामन्यांच्या कसोटी मालिकेत भारतीय फलंदाजाने केलेल्या या सर्वाधिक धावा ठरल्या. त्याने याबाबतीत वीरेंद्र सेहवागला मागे टाकले. सेहवागने पाकिस्तानविरुद्ध २००४-०५ मध्ये केल्या होत्या.
१००९
कोहलीने या वर्षी दहा कसोटींत ७७.६१च्या सरासरीने १००९ धावा केल्या आहेत. एका कॅलेंडर वर्षात दोन वेळा कसोटीत हजार धावा पूर्ण करणारा तो पहिलाच भारतीय कर्णधार ठरला.
दिल्लीतील धुक्याचा श्रीलंकेच्या क्रिकेटपटूंना त्रास झाला असला, तरी त्याहीपेक्षा जास्त त्रास श्रीलंकेच्या गोलंदाजांना भारताचा कर्णधार विराट कोहलीने दिला आहे. त्याच्या शानदार द्विशतकाच्या जोरावर भारताने तिसऱ्या कसोटी क्रिकेट सामन्यात श्रीलंकेविरुद्ध पहिला डाव ७ बाद ५३६ धावांवर घोषित केला. यानंतर श्रीलंकेने दुसऱ्या दिवसअखेर ३ बाद १३१ धावा केल्या. श्रीलंका संघ अद्याप ४०६ धावांनी पिछाडीवर आहे.
फिरोझशहा कोटला मैदानावर ही तिसरी कसोटी लढत सुरू आहे. या मालिकेत विराट कोहलीने श्रीलंकेच्या गोलंदाजांना रडकुंडीला आणले आहे. कोहलीच्या बॅटमधून धावांचा ओघ काही संपायला तयार नाही. पहिल्या कसोटीत शतक, दुसऱ्या कसोटीत द्विशतक आणि तिसऱ्या कसोटीतही द्विशतक ठोकून कोहलीने श्रीलंकेच्या गोलंदाजांना गुडघे टेकायला लावले. पहिल्या दिवशी कोहलीने अनेक विक्रमांना गवसणी घातली. दुसऱ्या दिवशी त्याच्या द्विशतकामुळे या विक्रमांत आणखी भर पडली. पहिल्या दिवसअखेर भारताने ४ बाद ३७१ धावा केल्या होत्या. या वेळी कोहली १५६ धावांवर खेळत होता. कोहलीने पहिल्या दिवशी मुरली विजयसह श्रीलंकेच्या गोलंदाजांची कसोटी बघितली. दुसऱ्या दिवशी कोहलीने रोहित शर्माला साथीला घेतले. या जोडीने पाचव्या विकेटसाठी १३५ धावांची भागीदारी केली. श्रीलंकेच्या गोलंदाजांचा मारा पुन्हा एकदा सुमार दर्जाचा वाटला. त्यावर सहजतेने खेळत कोहलीने २३८ चेंडूंत आपले द्विशतक पूर्ण केले. फिरकी गोलंदाज संदाकनने रोहित शर्माला बाद करून ही जोडी फोडली. रोहितने १०२ चेंडूंत ७ चौकार व २ षटकारांसह ६५ धावा केल्या.
उपाहारानंतर रविचंद्रन अश्विन आणि विराट कोहली बाद झाले. कोहलीला संदाकनने पायचीत टिपले. कोहलीने २८७ चेंडूंत २५ चौकारांसह २४३ धावांची खेळी केली. श्रीलंकेच्या संघाचे रडगाणे बघून अखेर कोहलीने डाव घोषित केला. प्रदूर्षणाच्या कारणास्तव जवळपास २६ मिनिटांचा खेळ वाया गेला. भारताने डाव घोषित केला तेव्हा वृद्धिमन साहा ९, तर रवींद्र जाडेजा ५ धावांवर मैदानावर होते.
श्रीलंकेच्या खेळाडूंना केवळ गोलंदाजी करताना त्रास होत होता; पण फलंदाजी करताना त्यांना कुठलाही त्रास झाला नाही, हे विशेष. मात्र, या कसोटीतही श्रीलंकेचे फलंदाज भारतीय गोलंदाजांविरुद्ध संघर्ष करताना दिसून आले. डावाच्या पहिल्याच चेंडूवर महंमद शमीने करुणरत्नेला माघारी पाठवले. यानंतर इशांत शर्माने डीसिल्वाला पायचीत टिपले. या वेळी श्रीलंकेच्या २ बाद १४ धावा झाल्या होत्या. यातून परेरा आणि मॅथ्यूजने श्रीलंकेला सावरले. या जोडीने अर्धशतकी भागीदारी केली. अखेर जडेजाने परेराला बाद करून ही जोडी फोडली. यासाठी परेराने रिव्ह्यू घेतला; पण त्याचा फायदा झाला नाही. श्रीलंकेच्या चौथ्या फलंदाजालाही बाद करण्याची भारताला संधी होती. मात्र, दुसऱ्या स्लीपमध्ये कोहलीने इशांत शर्माच्या गोलंदाजीवर अँजेलो मॅथ्यूजला जीवदान दिले. दिवसाचा खेळ थांबला तेव्हा मॅथ्यूज ११८ चेंडूंत ८ चौकार व २ षटकारांसह ५७, तर कर्णधार दिनेश चंडिमल ८१ चेंडूंत ३ चौकारांसह २५ धावांवर मैदानावर होता. त्यांनी चौथ्या विकेटसाठी ५६ धावांची अभेद्य भागीदारी केली आहे.
स्कोअरबोर्ड
भारत : पहिला डाव – (४ बाद ३७१ वरून पुढे) विराट कोहली पायचीत गो. संदाकन २४३, रोहित शर्मा झे. डिक्वेला गो. संदाकन ६५, आर. अश्विन झे. परेरा गो. गामगे ४, वृद्धिमन साहा नाबाद ९, रवींद्र जाडेजा नाबाद ५, अवांतर – ८, एकूण – १२७.५ षटकांत ७ बाद ५३६ (घोषित).
बाद क्रम : १-४२, २-७८, ३-३६१, ४-३६५, ५-५००, ६-५१९, ७-५२३.
गोलंदाजी : सुरंगा लकमल २१.२-२-८०-०, लाहिरू गामगे २५.३-७-९५-२, दिलरुवान परेरा ३१.१ -०-१४५-१, लक्षण संदाकन ३३.५-१-१६७-४, धनंजय डीसिल्वा १६-०-४८-०.
श्रीलंका : पहिला डाव – करुणरत्ने झे. साहा गो. शमी ०, परेरा पायचीत गो. जडेजा ४२, डीसिल्वा पायचीत गो. इशांत १, अँजेलो मॅथ्यूज खेळत आहे ५७, दिनेश चंडिमल खेळत आहे २५, अवांतर – ६, एकूण – ४४.३ षटकांत ३ बाद १३१.
बाद क्रम : १-०, २-१४, ३-७५.
गोलंदाजी : महम्मद शमी ११-३-३०-१, इशांत शर्मा १०-४-४४-१, रवींद्र जाडेजा १४.३-६-२४-१, आर. अश्विन ९-३-२८-०.
२
विराट कोहलीने सलग दुसरे द्विशतक ठोकले. अशी कामगिरी करणारा तो सहावा फलंदाज ठरला. यापूर्वी अशी कामगिरी हमंद (२५१, २२० आणि २२७, ३३६*), सर डॉन ब्रॅडमन (३०४, २४४), विनोद कांबळी (२२४, २२७), कुमार संगकारा (२००*, २२२*), क्लार्क (२५९*, २३०) यांनी केली आहे.
६
सर्वाधिक द्विशतके ठोकणाऱ्या कर्णधारांच्या यादीत कोहली अव्वल स्थानावर पोहोचला. त्याने सहा द्विशतके ठोकली असून, ब्रायन लाराला (५) मागे टाकले. डॉन ब्रॅडमन आणि ग्रॅमी स्मिथ यांनी प्रत्येकी चार द्विशतके ठोकली आहेत. कोहलीने कसोटीतील सहा द्विशतकांच्या बाबतीत सचिन तेंडुलकर आणि वीरेंद्र सेहवागशी बरोबरी साधली आहे.
२४५
कोहलीची २४५ ही कसोटीतील सर्वोच्च खेळी ठरली. त्याची यापूर्वीची सर्वोच्च खेळी २३५ (वि. इंग्लंड, २०१६) धावांची होती. कोटलावरील ही कसोटीतील वैयक्तिक सर्वोच्च खेळीही ठरली.
५६०
या मालिकेत कोहलीने ५६० धावा केल्या आहेत. तीन सामन्यांच्या कसोटी मालिकेत भारतीय फलंदाजाने केलेल्या या सर्वाधिक धावा ठरल्या. त्याने याबाबतीत वीरेंद्र सेहवागला मागे टाकले. सेहवागने पाकिस्तानविरुद्ध २००४-०५ मध्ये केल्या होत्या.
१००९
कोहलीने या वर्षी दहा कसोटींत ७७.६१च्या सरासरीने १००९ धावा केल्या आहेत. एका कॅलेंडर वर्षात दोन वेळा कसोटीत हजार धावा पूर्ण करणारा तो पहिलाच भारतीय कर्णधार ठरला.