Swapnil.Ghangale @timesinternet.in
यंदाच्या टी २० वर्ल्डकपमध्ये नागपुरातला भारताचा पहिलाच सामना संस्मरणीय ठरला नसला, तरी अश्विन केळकरसाठी त्या दिवशी ‘विराट योग’ होता. तुम्ही विचाराल म्हणजे काय? तर अश्विननं स्वतः रेखाटलेलं विराट कोहलीचं व्यक्तिचित्र त्यानं कोहलीलाच भेट दिलं. हा अनुभव अश्विननं खास ‘मुंटा’शी शेअर केलाय…
‘मी विराट कोहलीचा जबरदस्त चाहता आहे. कोहलीला कधी भेटता येईल असं स्वप्नातही वाटलं नव्हतं. मात्र माझ्या चित्रकलेमुळे त्याला भेटता आलं. खुद्द विराटनंही मी रेखाटलेल्या त्याच्या व्यक्तिचित्राची तारीफ केली आणि माझ्यासाठी आकाश ठेंगणं झालं’, अश्विन केळकर सांगत होता. नागपूरमध्ये झालेल्या या सामन्यानंतर अश्विनला विराटला भेटण्याची संधी मिळाली आणि हा दिवस त्याच्यासाठी अविस्मरणीय झाला. विशेष म्हणजे चित्रकलेचं कुठलंही औपचारिक शिक्षण न घेता त्यानं रेखाटलेल्या या व्यक्तिचित्राचं कौतुक झालं.
अश्विन केळकर हा अमरावतीत राहणाऱ्या एका सर्वसामान्य कुटुंबातला मुलगा. सध्या तो इंजिनीअरिंगच्या दुसऱ्या वर्षाला शिकतोय. दहावीला असल्यापासून तो पेन्सिल स्केचिंग करतोय. बारावीला असताना त्यानं पहिल्यांदा व्यक्तिचित्र रेखाटलं. त्यानंतर एक-एक करत अनेक सेलिब्रिटीजची व्यक्तिचित्रं त्यानं रेखाटली. त्याचा आवडता क्रिकेटपटू कोहलीच्या व्यक्तिचित्राचाही यात समावेश होता. त्याला ते स्वतःच्या हातानं कोहलीला भेट द्यायचं होतं. नागपूरमध्ये झालेल्या भारत-न्यूझीलंड सामन्यानंतर, एका ओळखीच्या व्यक्तिमुळे कोहलीला भेटण्याची संधी अश्विनला मिळाली. अश्विनने रेखाटलेलं आपलं व्यक्तिचित्र पाहून खुद्द विराट अवाकच झाला. त्यानं अश्विनच्या पाठीवर थाप देऊन 'नाइस पेंटिंग' अशा शब्दांत त्याचं कौतुक केलं. कोहलीनं लगेचच हे पोर्टेट्र दिल्लीला त्याच्या घरी कुरिअरनं पाठवायला सांगितलं. पोर्टेट्र पाहून झाल्यानंतर आपल्या या कलाकार चाहत्याबरोबर फोटो काढण्याची इच्छाही स्वतः विराटनं व्यक्त केली. कोहलीनं अश्विनबरोबर काढून घेतलेला हा फोटो भारतीय क्रिकेट टीमच्या फेसबुक पेजवर शेअर करण्यात आल्यानं अश्विनचं नाव जगभरात पोहोचलं आहे.
अश्विननं चित्रकलेचं कोणत्याही प्रकारे औपचारिक शिक्षण घेतलेलं नाही. दहावीनंतर केवळ छंद म्हणून सुरू केलेली चित्रकला तो इंटरनेट आणि ऑनलाइन ट्यूटोरिअल्सच्या माध्यमातून स्वत:च शिकत गेला. रंगांच्या दुनियेत रमणाऱ्या अश्विननं सचिन तेंडुलकर, फरहान अख्तर, दर्शिल सफारी, ब्रॅण्डम मॅकलम, कतरिना कैफ, लिओन मेस्सी, डेव्हिड व्हिला, बॅटमॅन यांची व्यक्तिचित्रं रेखाटली आहेत. दक्षिण आफ्रिकेचा ऑलराऊंडर खेळाडू ए. बी. डिव्हिलिअर्सला त्याचं पोर्टेट्र भेट म्हणून द्यायला आवडेल असं त्यानं सांगितलं.
यंदाच्या टी २० वर्ल्डकपमध्ये नागपुरातला भारताचा पहिलाच सामना संस्मरणीय ठरला नसला, तरी अश्विन केळकरसाठी त्या दिवशी ‘विराट योग’ होता. तुम्ही विचाराल म्हणजे काय? तर अश्विननं स्वतः रेखाटलेलं विराट कोहलीचं व्यक्तिचित्र त्यानं कोहलीलाच भेट दिलं. हा अनुभव अश्विननं खास ‘मुंटा’शी शेअर केलाय…
‘मी विराट कोहलीचा जबरदस्त चाहता आहे. कोहलीला कधी भेटता येईल असं स्वप्नातही वाटलं नव्हतं. मात्र माझ्या चित्रकलेमुळे त्याला भेटता आलं. खुद्द विराटनंही मी रेखाटलेल्या त्याच्या व्यक्तिचित्राची तारीफ केली आणि माझ्यासाठी आकाश ठेंगणं झालं’, अश्विन केळकर सांगत होता. नागपूरमध्ये झालेल्या या सामन्यानंतर अश्विनला विराटला भेटण्याची संधी मिळाली आणि हा दिवस त्याच्यासाठी अविस्मरणीय झाला. विशेष म्हणजे चित्रकलेचं कुठलंही औपचारिक शिक्षण न घेता त्यानं रेखाटलेल्या या व्यक्तिचित्राचं कौतुक झालं.
अश्विन केळकर हा अमरावतीत राहणाऱ्या एका सर्वसामान्य कुटुंबातला मुलगा. सध्या तो इंजिनीअरिंगच्या दुसऱ्या वर्षाला शिकतोय. दहावीला असल्यापासून तो पेन्सिल स्केचिंग करतोय. बारावीला असताना त्यानं पहिल्यांदा व्यक्तिचित्र रेखाटलं. त्यानंतर एक-एक करत अनेक सेलिब्रिटीजची व्यक्तिचित्रं त्यानं रेखाटली. त्याचा आवडता क्रिकेटपटू कोहलीच्या व्यक्तिचित्राचाही यात समावेश होता. त्याला ते स्वतःच्या हातानं कोहलीला भेट द्यायचं होतं. नागपूरमध्ये झालेल्या भारत-न्यूझीलंड सामन्यानंतर, एका ओळखीच्या व्यक्तिमुळे कोहलीला भेटण्याची संधी अश्विनला मिळाली. अश्विनने रेखाटलेलं आपलं व्यक्तिचित्र पाहून खुद्द विराट अवाकच झाला. त्यानं अश्विनच्या पाठीवर थाप देऊन 'नाइस पेंटिंग' अशा शब्दांत त्याचं कौतुक केलं. कोहलीनं लगेचच हे पोर्टेट्र दिल्लीला त्याच्या घरी कुरिअरनं पाठवायला सांगितलं. पोर्टेट्र पाहून झाल्यानंतर आपल्या या कलाकार चाहत्याबरोबर फोटो काढण्याची इच्छाही स्वतः विराटनं व्यक्त केली. कोहलीनं अश्विनबरोबर काढून घेतलेला हा फोटो भारतीय क्रिकेट टीमच्या फेसबुक पेजवर शेअर करण्यात आल्यानं अश्विनचं नाव जगभरात पोहोचलं आहे.
अश्विननं चित्रकलेचं कोणत्याही प्रकारे औपचारिक शिक्षण घेतलेलं नाही. दहावीनंतर केवळ छंद म्हणून सुरू केलेली चित्रकला तो इंटरनेट आणि ऑनलाइन ट्यूटोरिअल्सच्या माध्यमातून स्वत:च शिकत गेला. रंगांच्या दुनियेत रमणाऱ्या अश्विननं सचिन तेंडुलकर, फरहान अख्तर, दर्शिल सफारी, ब्रॅण्डम मॅकलम, कतरिना कैफ, लिओन मेस्सी, डेव्हिड व्हिला, बॅटमॅन यांची व्यक्तिचित्रं रेखाटली आहेत. दक्षिण आफ्रिकेचा ऑलराऊंडर खेळाडू ए. बी. डिव्हिलिअर्सला त्याचं पोर्टेट्र भेट म्हणून द्यायला आवडेल असं त्यानं सांगितलं.