मुंबई:
तिरंगी मालिकेतील तिसऱ्या सामन्यात ऑस्ट्रेलियाच्या टी-२० संघाचा कर्णधार अॅरॉन फिंच यानं झिम्बाब्वेविरुद्धच्या लढतीत स्फोटक फलंदाजी करत इतिहास रचला. त्यानं अवघ्या ७६ चेंडूंमध्ये १७२ धावांची तडाखेबंद खेळी केली. त्यात १६ चौकार आणि १० उत्तुंग षटकारांचा समावेश आहे.
फिंचनं यापूर्वी इंग्लंडविरुद्ध ६३ चेंडूंमध्ये १५६ धावांची खेळी केली होती. हा स्वतःचाच विक्रम त्याने मोडीत काढला. तत्पूर्वी, झिम्बाब्वेनं टॉस जिंकून प्रथम गोलंदाजीचा निर्णय घेतला. हा निर्णय फिंच आणि डार्सी शॉर्टनं चुकीचा ठरवला. या दोघांनी १९.२ षटकांत २२३ धावांची विक्रमी भागिदारी केली. त्यानं अवघ्या ५० चेंडूंमध्ये शतक ठोकलं. शतक साजरं केल्यानंतर त्याची बॅट आणखीनच तळपली. ६९ चेंडूंमध्ये त्यानं १५० धावा ठोकल्या. त्या जोरावर ऑस्ट्रेलियाच्या १८व्या षटकांतच २०० धावा झाल्या. १९ व्या षटकांत पहिला गडी बाद झाला. शॉर्ट हा ४६ धावा करून बाद झाला. तर अखेरच्या षटकातील पाचव्या चेंडूवर फिंच बाद झाला. ऑस्ट्रेलियानं २ विकेटच्या मोबदल्यात २२९ धावा केल्या.
तिरंगी मालिकेतील तिसऱ्या सामन्यात ऑस्ट्रेलियाच्या टी-२० संघाचा कर्णधार अॅरॉन फिंच यानं झिम्बाब्वेविरुद्धच्या लढतीत स्फोटक फलंदाजी करत इतिहास रचला. त्यानं अवघ्या ७६ चेंडूंमध्ये १७२ धावांची तडाखेबंद खेळी केली. त्यात १६ चौकार आणि १० उत्तुंग षटकारांचा समावेश आहे.
फिंचनं यापूर्वी इंग्लंडविरुद्ध ६३ चेंडूंमध्ये १५६ धावांची खेळी केली होती. हा स्वतःचाच विक्रम त्याने मोडीत काढला. तत्पूर्वी, झिम्बाब्वेनं टॉस जिंकून प्रथम गोलंदाजीचा निर्णय घेतला. हा निर्णय फिंच आणि डार्सी शॉर्टनं चुकीचा ठरवला. या दोघांनी १९.२ षटकांत २२३ धावांची विक्रमी भागिदारी केली. त्यानं अवघ्या ५० चेंडूंमध्ये शतक ठोकलं. शतक साजरं केल्यानंतर त्याची बॅट आणखीनच तळपली. ६९ चेंडूंमध्ये त्यानं १५० धावा ठोकल्या. त्या जोरावर ऑस्ट्रेलियाच्या १८व्या षटकांतच २०० धावा झाल्या. १९ व्या षटकांत पहिला गडी बाद झाला. शॉर्ट हा ४६ धावा करून बाद झाला. तर अखेरच्या षटकातील पाचव्या चेंडूवर फिंच बाद झाला. ऑस्ट्रेलियानं २ विकेटच्या मोबदल्यात २२९ धावा केल्या.