क्वालालंपूर : अफगाणिस्तानने संभाव्य विजेता म्हणून ओळखल्या जाणाऱ्या पाकिस्तानला १८५ धावांनी पराभूत करत १९ वर्षांखालील मुलांच्या आशिया कप क्रिकेट स्पर्धेचे प्रथमच विजेतेपद पटकाविले. अफगाणिस्तानने इक्रम अलीच्या १०७ धावांच्या खेळीच्या जोरावर ७ बाद २४८ धावांपर्यंत मजल मारली. पण पाकिस्तानचा डाव तर अवघ्या ६३ धावांतच आटोपला. अफगाणिस्तानचा फिरकी गोलंदाज मुजीब झदरानने १३ धावांत ५ बळी घेत पाकिस्तानला गुंडाळले. मुजीबने पाच सामन्यांतून २० बळी घेतले आहेत. त्याआधी, अफगाणिस्तानच्या रहमानुल्ला गुरबाझ (४०) व इब्राहिम झदरान (३६) यांनी छान सुरुवात करून देत ६१ धावांची सलामी दिली. ही जोडी फुटल्यावर इक्रम अलीने पाकिस्तानी गोलंदाजांचा समाचार घेतला. एकट्यानेच त्याने अफगाणिस्तानला २००चा टप्पा ओलांडून दिला.
अफगाणिस्तानला आशिया कप
अफगाणिस्तानने संभाव्य विजेता म्हणून ओळखल्या जाणाऱ्या पाकिस्तानला १८५ धावांनी पराभूत करत १९ वर्षांखालील मुलांच्या आशिया कप क्रिकेट स्पर्धेचे प्रथमच विजेतेपद पटकाविले.
Maharashtra Times 20 Nov 2017, 4:00 am