मेस्सीची निवृत्ती; ट्विटरवर आफ्रिदी 'टार्गेट'

मटा ऑनलाइन वृत्त । नवी दिल्ली

कोपा कपमध्ये पराभव स्वीकारावा लागल्यानंतर अर्जेटिनाचा स्टार फुटबॉलपटू लियोनेल मेस्सीने आंतरराष्ट्रीय फुटबॉलमधून तडकाफडकी निवृत्ती जाहीर केली. संघाचा पराभव होताच निवृत्तीची घोषणा करणाऱ्या मेस्सीचा दाखला देत ट्विटरवर पाकिस्तानचा क्रिकेट खेळाडू शाहिद आफ्रिदीला टार्गेट केले जात आहे. आफ्रिदीवर जोक्स करण्यात येत आहे. आफ्रिदी, तू कधी निवृत्ती घेणार?, असा प्रश्न विचारला जात आहे.

आंतरराष्ट्रीय क्रिकेटमध्ये पाकिस्तानला अनेकदा पराभवाचा सामना करावा लागला आहे. परंतु शाहिद आफ्रिदीने टी-२० मधून अद्याप निवृत्ती जाहीर केली नाही. अनेकदा निवृत्तीची घोषणा केल्यानंतरही आफ्रिदीने तो निर्णय बदलला आहे. हाच धागा पकडून ट्विटर्सवर आफ्रिदीला प्रश्न विचारला जात आहे. आफ्रिदीने टी-२० मधून निवृत्ती घेतली नसली तरी त्याने टेस्ट, वन-डे सामन्यामधून निवृत्ती घेतली आहे.




आफ्रिदीला टार्गेट करताना एकाने आफ्रिदीवर जोक्स केला, 'रिपोर्टरने जेव्हा मेस्सीला प्रश्न विचारला की, निवृत्तीची घोषणा केली पण हा निर्णय मागे घेणार का? तेव्हा मेस्सी म्हणाला की, असा विचार करायला मी काय शाहिद आफ्रिदी आहे?