वृत्तसंस्था, मेलबर्न
इंग्लंडच्या अॅलिस्टर कूकची शतकाची प्रतिक्षा अखेर संपली. त्याच्या शतकाच्या जोरावर इंग्लंडने अॅशेस मालिकेतील चौथ्या कसोटी क्रिकेट सामन्यात पहिल्या डावात २ बाद १९२ धावा करून ऑस्ट्रेलियाला चोख प्रत्युत्तर दिले. तत्पूर्वी, इंग्लंडने ऑस्ट्रेलियाला पहिल्या डावात ३२७ धावांत रोखण्यात यश मिळवले. या लढतीत कूक (१०४* धावा) आणि स्टुअर्ट ब्रॉड (४ विकेट) यांनी चमक दाखवून आपल्या टीकाकारांना चोख प्रत्युत्तर दिले.
मेलबर्न क्रिकेट मैदानावर ही स्पर्धा सुरू आहे. ऑस्ट्रेलियाने पहिल्या दिवशी ३ बाद २४४ अशी दमदार सुरुवात केली होती. दुसऱ्या दिवशी मात्र इंग्लंडच्या गोलंदाजांनी अचूक मारा केला आणि ऑस्ट्रेलियाच्या उर्वरित सात फलंदाजांना ८३ धावांत रोखले. खरे तर ऑस्ट्रेलियाचा कर्णधार स्टीव्ह स्मिथ ‘बॉक्सिंग डे’ कसोटीत आणखी एक शतक ठोकणार असे वाटत होते. मात्र, टॉम करनने त्याचा त्रिफळा उडविला. स्मिथ ७६ धावांवर माघारी परतला. यानंतर शॉन मार्शने एका बाजूने किल्ला लढविला; पण इतर फलंदाजांना त्याला अधिक वेळ साथ देता आली नाही. स्टुअर्ट ब्रॉड आणि अँडरसनने अचूक मारा केला. आणि ऑस्ट्रेलियाच्या तळाच्या फलंदाजांना झटपट गुंडाळण्यात यश मिळवले. इंग्लंडने ऑस्ट्रेलियाच्या अखेरच्या पाच फलंदाजांना तेरा धावांत माघारी पाठवले. शॉन मार्शने १४८ चेंडूंत ८ चौकारांसह ६१ धावा केल्या.
यानंतर नॅथन लायनने इंग्लंडचा सलामीवीर स्टोनमनला अवघ्या १५ धावांवर माघारी पाठवले. जेम्स व्हिन्सला हॅझलवूडने पायचीत टिपले. या वेळी इंग्लंडच्या २ बाद ८० धावा झाल्या होत्या. यानंतर कूक आणि कर्णधार जो रूट यांनी इंग्लंडचा डाव सावरला. या जोडीने ११२ धावांची अभेद्य भागीदारी रचली आहे. दुसऱ्या दिवसाचा खेळ थांबला तेव्हा कूक १६६ चेंडूंत १५ चौकारांसह १०४, तर रूट १०५ चेंडूंत ६ चौकारांसह ४९ धावांवर खेळत होता.
स्कोअरबोर्ड : ऑस्ट्रेलिया : पहिला डाव – ११९ षटकांत सर्वबाद ३२७ (डेव्हिड वॉर्नर १०३, स्टीव्ह स्मिथ ७६, शॉन मार्श ६१, पेन २४, स्टुअर्ट ब्रॉड २८-१०-५१-४, जेम्स अँडरसन २९-११-६१-३, ख्रिस वोक्स २२-४-७२-२, टॉम करन २१-५-६५-१) वि. इंग्लंड : पहिला डाव – ५७ षटकांत २ बाद १९२ (अॅलिस्टर कूक खेळत आहे १०४, जो रूट खेळत आहे ४९, जोश हॅझलवूड १२-२-३९-१, नॅथन लायन १७-२-४४-१).
इंग्लंडच्या अॅलिस्टर कूकची शतकाची प्रतिक्षा अखेर संपली. त्याच्या शतकाच्या जोरावर इंग्लंडने अॅशेस मालिकेतील चौथ्या कसोटी क्रिकेट सामन्यात पहिल्या डावात २ बाद १९२ धावा करून ऑस्ट्रेलियाला चोख प्रत्युत्तर दिले. तत्पूर्वी, इंग्लंडने ऑस्ट्रेलियाला पहिल्या डावात ३२७ धावांत रोखण्यात यश मिळवले. या लढतीत कूक (१०४* धावा) आणि स्टुअर्ट ब्रॉड (४ विकेट) यांनी चमक दाखवून आपल्या टीकाकारांना चोख प्रत्युत्तर दिले.
मेलबर्न क्रिकेट मैदानावर ही स्पर्धा सुरू आहे. ऑस्ट्रेलियाने पहिल्या दिवशी ३ बाद २४४ अशी दमदार सुरुवात केली होती. दुसऱ्या दिवशी मात्र इंग्लंडच्या गोलंदाजांनी अचूक मारा केला आणि ऑस्ट्रेलियाच्या उर्वरित सात फलंदाजांना ८३ धावांत रोखले. खरे तर ऑस्ट्रेलियाचा कर्णधार स्टीव्ह स्मिथ ‘बॉक्सिंग डे’ कसोटीत आणखी एक शतक ठोकणार असे वाटत होते. मात्र, टॉम करनने त्याचा त्रिफळा उडविला. स्मिथ ७६ धावांवर माघारी परतला. यानंतर शॉन मार्शने एका बाजूने किल्ला लढविला; पण इतर फलंदाजांना त्याला अधिक वेळ साथ देता आली नाही. स्टुअर्ट ब्रॉड आणि अँडरसनने अचूक मारा केला. आणि ऑस्ट्रेलियाच्या तळाच्या फलंदाजांना झटपट गुंडाळण्यात यश मिळवले. इंग्लंडने ऑस्ट्रेलियाच्या अखेरच्या पाच फलंदाजांना तेरा धावांत माघारी पाठवले. शॉन मार्शने १४८ चेंडूंत ८ चौकारांसह ६१ धावा केल्या.
यानंतर नॅथन लायनने इंग्लंडचा सलामीवीर स्टोनमनला अवघ्या १५ धावांवर माघारी पाठवले. जेम्स व्हिन्सला हॅझलवूडने पायचीत टिपले. या वेळी इंग्लंडच्या २ बाद ८० धावा झाल्या होत्या. यानंतर कूक आणि कर्णधार जो रूट यांनी इंग्लंडचा डाव सावरला. या जोडीने ११२ धावांची अभेद्य भागीदारी रचली आहे. दुसऱ्या दिवसाचा खेळ थांबला तेव्हा कूक १६६ चेंडूंत १५ चौकारांसह १०४, तर रूट १०५ चेंडूंत ६ चौकारांसह ४९ धावांवर खेळत होता.
स्कोअरबोर्ड : ऑस्ट्रेलिया : पहिला डाव – ११९ षटकांत सर्वबाद ३२७ (डेव्हिड वॉर्नर १०३, स्टीव्ह स्मिथ ७६, शॉन मार्श ६१, पेन २४, स्टुअर्ट ब्रॉड २८-१०-५१-४, जेम्स अँडरसन २९-११-६१-३, ख्रिस वोक्स २२-४-७२-२, टॉम करन २१-५-६५-१) वि. इंग्लंड : पहिला डाव – ५७ षटकांत २ बाद १९२ (अॅलिस्टर कूक खेळत आहे १०४, जो रूट खेळत आहे ४९, जोश हॅझलवूड १२-२-३९-१, नॅथन लायन १७-२-४४-१).