दुबई :
आशिया चषकात भारत विरुद्ध अफगाणिस्तान यांच्यातील आजच्या सामन्यात कर्णधार रोहित शर्माला विश्रांती देऊन संघाचे नेतृत्व करण्याचा मान महेंद्रसिंग धोनीला देण्यात आला आहे. धोनीचा कर्णधार म्हणून हा २००वा वनडे सामना असून अशी किमया साधणारा तो आंतरराष्ट्रीय क्रिकेटमधील तिसरा क्रिकेटपटू ठरला आहे. विशेष म्हणजे, तब्बल २३ महिन्यांनंतर (६९६ दिवसांनंतर) धोनी भारतीय संघाचे नेतृत्व करत आहे.
सर्वाधिक वनडे सामन्यांत संघाचे नेतृत्व करण्याचा विक्रम ऑस्ट्रेलियाचा माजी कर्णधार रिकी पॉन्टिंगच्या नावावर आहे. त्याने २३० सामन्यांत ऑस्ट्रेलियाचे नेतृत्व केले. त्यातील १६५ सामने ऑस्ट्रेलियाने जिंकले. त्यानंतर स्टीफन फ्लेमिंगने २१८ सामन्यांत न्यूझीलंड संघाचे नेतृत्व केले असून त्यातील ९८ सामन्यांत न्यूझीलंडला विजय मिळाला.
धोनीने कर्णधार म्हणून २९ ऑक्टोबर २०१६ रोजी शेवटचा सामना खेळला होता. विशाखापट्टणम् येथे न्यूझीलंडविरुद्ध झालेला तो सामना भारताने १९० धावांनी जिंकला होता. धोनीने आतापर्यंत नेतृत्व केलेल्या १९९ सामन्यांपैकी ११० सामन्यांत भारताला विजय मिळाला असून ७४ सामने भारताने गमावले आहेत. चार लढती टाय तर ११ लढती रद्द झाल्या आहेत.
आशिया चषकात भारत विरुद्ध अफगाणिस्तान यांच्यातील आजच्या सामन्यात कर्णधार रोहित शर्माला विश्रांती देऊन संघाचे नेतृत्व करण्याचा मान महेंद्रसिंग धोनीला देण्यात आला आहे. धोनीचा कर्णधार म्हणून हा २००वा वनडे सामना असून अशी किमया साधणारा तो आंतरराष्ट्रीय क्रिकेटमधील तिसरा क्रिकेटपटू ठरला आहे. विशेष म्हणजे, तब्बल २३ महिन्यांनंतर (६९६ दिवसांनंतर) धोनी भारतीय संघाचे नेतृत्व करत आहे.
सर्वाधिक वनडे सामन्यांत संघाचे नेतृत्व करण्याचा विक्रम ऑस्ट्रेलियाचा माजी कर्णधार रिकी पॉन्टिंगच्या नावावर आहे. त्याने २३० सामन्यांत ऑस्ट्रेलियाचे नेतृत्व केले. त्यातील १६५ सामने ऑस्ट्रेलियाने जिंकले. त्यानंतर स्टीफन फ्लेमिंगने २१८ सामन्यांत न्यूझीलंड संघाचे नेतृत्व केले असून त्यातील ९८ सामन्यांत न्यूझीलंडला विजय मिळाला.
धोनीने कर्णधार म्हणून २९ ऑक्टोबर २०१६ रोजी शेवटचा सामना खेळला होता. विशाखापट्टणम् येथे न्यूझीलंडविरुद्ध झालेला तो सामना भारताने १९० धावांनी जिंकला होता. धोनीने आतापर्यंत नेतृत्व केलेल्या १९९ सामन्यांपैकी ११० सामन्यांत भारताला विजय मिळाला असून ७४ सामने भारताने गमावले आहेत. चार लढती टाय तर ११ लढती रद्द झाल्या आहेत.