वृत्तसंस्था, मुंबई
भारताविरुद्ध होत असलेल्या चार कसोटी सामन्यांच्या मालिकेसाठी आलेला ऑस्ट्रेलियन क्रिकेट संघ जय्यत तयारीला लागला आहे. येत्या १७ तारखेपासून ब्रेबर्न स्टेडियमवर त्यांचा भारत अ संघाशी तीन दिवसांचा सराव सामना होत आहे. त्यासाठी त्यांचे सरावाचे पहिले सत्र पार पडले आणि ऑस्ट्रेलियाच्या जवळपास सर्वच खेळाडूंनी कसून सराव केला. पुण्यात २३ फेब्रुवारीपासून पहिल्या कसोटीला प्रारंभ होत असून त्या कसोटीला सामोरे जाण्यापूर्वी ऑस्ट्रेलियन संघ सर्वप्रकारची तयारी करत आहे.
ऑस्ट्रेलियाचा डेव्हिड वॉर्नर, कर्णधार स्टीव्ह स्मिथ, ग्लेन मॅक्सवेल, उस्मान ख्वाजा यांनी नेटमध्ये फलंदाजीचा सराव केला. धावा घेण्याचे तंत्रही त्यांनी घोटवून घेतले. काही खेळाडूंनी स्लिपमध्ये झेल घेण्याच्या सरावावरही लक्ष केंद्रित केले.
भारतात फिरकी गोलंदाजीचा प्रामुख्याने सामना करावा लागेल हे लक्षात घेऊन कांगारूंनी फिरकी गोलंदाजीला खेळून काढण्यावर भर दिला. त्यांना भारताच्या श्रीराम श्रीधरन यांचे मार्गदर्शन सध्या लाभत आहे.
विराट कोहलीच्या नेतृत्वाखालील भारतीय संघाने सलग १९ सामन्यांत विजय मिळविण्याचा सिलसिला कायम राखला आहे. त्यामुळे ऑस्ट्रेलियाविरुद्ध अशाच कामगिरीची पुनरावृत्ती करण्याचा भारताचा प्रयत्न असेल. हे लक्षात घेऊन ऑस्ट्रेलियन संघ डावपेच आखणार आहे. त्यामुळे ब्रेबर्न स्टेडियमवर १७ ते १९ फेब्रुवारी या दरम्यान होत असलेला भारत अ संघाविरुद्धचा सराव सामना ऑस्ट्रेलियाकडून गांभीर्यानेच घेतला जाणार आहे.
ऑस्ट्रेलियाचा कर्णधार स्मिथने मंगळवारी पत्रकारांशी बोलताना भारताविरुद्धची कसोटी मालिका किती महत्त्वाची आहे, हे सांगितले होते. भारताविरुद्ध मालिका जिंकली तर १०-२० वर्षांपूर्वी जी ऐतिहासिक कामगिरी ऑस्ट्रेलियाने केली होती, त्याची पुनरावृत्ती करण्यात यश येईल, अशी अपेक्षा त्याने व्यक्त केली होती.
बोर्डर-गावस्कर ट्रॉफीचा पहिला सामना पुण्यात (२३ ते २७ फेब्रुवारी) होत असून ती पुण्यातील पहिलीवहिली कसोटी असेल. त्यानंतर बेंगळुरू (४ ते ८ मार्च), रांची (१६ ते २० मार्च) व धरमशाला (२५ ते २९ मार्च) अशा उरलेल्या लढती होतील.
भारताविरुद्ध होत असलेल्या चार कसोटी सामन्यांच्या मालिकेसाठी आलेला ऑस्ट्रेलियन क्रिकेट संघ जय्यत तयारीला लागला आहे. येत्या १७ तारखेपासून ब्रेबर्न स्टेडियमवर त्यांचा भारत अ संघाशी तीन दिवसांचा सराव सामना होत आहे. त्यासाठी त्यांचे सरावाचे पहिले सत्र पार पडले आणि ऑस्ट्रेलियाच्या जवळपास सर्वच खेळाडूंनी कसून सराव केला. पुण्यात २३ फेब्रुवारीपासून पहिल्या कसोटीला प्रारंभ होत असून त्या कसोटीला सामोरे जाण्यापूर्वी ऑस्ट्रेलियन संघ सर्वप्रकारची तयारी करत आहे.
ऑस्ट्रेलियाचा डेव्हिड वॉर्नर, कर्णधार स्टीव्ह स्मिथ, ग्लेन मॅक्सवेल, उस्मान ख्वाजा यांनी नेटमध्ये फलंदाजीचा सराव केला. धावा घेण्याचे तंत्रही त्यांनी घोटवून घेतले. काही खेळाडूंनी स्लिपमध्ये झेल घेण्याच्या सरावावरही लक्ष केंद्रित केले.
भारतात फिरकी गोलंदाजीचा प्रामुख्याने सामना करावा लागेल हे लक्षात घेऊन कांगारूंनी फिरकी गोलंदाजीला खेळून काढण्यावर भर दिला. त्यांना भारताच्या श्रीराम श्रीधरन यांचे मार्गदर्शन सध्या लाभत आहे.
विराट कोहलीच्या नेतृत्वाखालील भारतीय संघाने सलग १९ सामन्यांत विजय मिळविण्याचा सिलसिला कायम राखला आहे. त्यामुळे ऑस्ट्रेलियाविरुद्ध अशाच कामगिरीची पुनरावृत्ती करण्याचा भारताचा प्रयत्न असेल. हे लक्षात घेऊन ऑस्ट्रेलियन संघ डावपेच आखणार आहे. त्यामुळे ब्रेबर्न स्टेडियमवर १७ ते १९ फेब्रुवारी या दरम्यान होत असलेला भारत अ संघाविरुद्धचा सराव सामना ऑस्ट्रेलियाकडून गांभीर्यानेच घेतला जाणार आहे.
ऑस्ट्रेलियाचा कर्णधार स्मिथने मंगळवारी पत्रकारांशी बोलताना भारताविरुद्धची कसोटी मालिका किती महत्त्वाची आहे, हे सांगितले होते. भारताविरुद्ध मालिका जिंकली तर १०-२० वर्षांपूर्वी जी ऐतिहासिक कामगिरी ऑस्ट्रेलियाने केली होती, त्याची पुनरावृत्ती करण्यात यश येईल, अशी अपेक्षा त्याने व्यक्त केली होती.
बोर्डर-गावस्कर ट्रॉफीचा पहिला सामना पुण्यात (२३ ते २७ फेब्रुवारी) होत असून ती पुण्यातील पहिलीवहिली कसोटी असेल. त्यानंतर बेंगळुरू (४ ते ८ मार्च), रांची (१६ ते २० मार्च) व धरमशाला (२५ ते २९ मार्च) अशा उरलेल्या लढती होतील.